Qazaqstannyń Energetıka mınıstri Almasadam Sátqalıev elimizdegi alǵashqy atom elektr stanııasynyń (AES) qurylysy qashan bastalatyny týraly suraqqa jaýap berdi, dep habarlaıdy "Adyrna" ulttyq portaly.
Mınıstrdiń aıtýynsha, AES jobalaý jumystary halyqaralyq tájirıbe boıynsha 2-3 jylǵa sozylady.
"Jobalaý proesi úsh jylǵa deıin ýaqyt alady. Úsh jyldan keıin "beton quıý" kezeńi bastalady, ıaǵnı naqty qurylys jumystary qolǵa alynady. Jalpy qurylys jumystaryna eki jyl ishinde kirisýimiz múmkin. Alaıda negizgi nysannyń qurylysy tehnıkalyq-ekonomıkalyq negizdeme tolyq aıaqtalyp, jobalyq qujattar ázirlenip, memlekettik organdardan barlyq qajetti ruqsattar alynǵannan keıin ǵana bastalady", – dedi mınıstr.
Buǵan deıin AES Almaty oblysy, Jambyl aýdanyndaǵy Úlken aýylynda salynatyny týraly resmı habarlanǵan bolatyn. Tıisti qaýlyǵa premer-mınıstr Oljas Bektenov qol qoıdy.
