Liftıdegı şabuyl. Balany pyşaqtaǧan jasöspırımdı psihdispanser qyzmetkerı ūrǧany aityldy

Seisenbı künı Astanada liftıdegı 5 jasar balany pyşaqtaǧan jasöspırımdı psihdispanser qyzmetkerı ūrǧany turaly aqparat tarady. Būl turaly Astanadaǧy erekşe balalardyŋ ata-analary odaǧynyŋ töraiymy Gülsan Mauina mälımdedı, dep habarlaidy "Adyrna" ūlttyq portaly. Onyŋ aituynşa, jasöspırım sanitardyŋ ekı ret qol kötergenın aitqan. "Sanitar balaǧa ekı ret qol kötergen: keşe jäne bügın. Bız qazır sot-medisinalyq saraptama jasatuǧa tyrysyp jatyrmyz. Polisiiaǧa habarlastyq, uchaskelık polisiia qyzmetkerı keldı, bıraq äzırge nätije joq. Balanyŋ anasy ekı kün boiy saraptama jasata almai jür", – dedı Gülsan Mauina. Astana psihikalyq densaulyq ortalyǧy būl oqiǧaǧa tüsınıkteme berdı. Mekeme ökılderınıŋ mälımetınşe, anasy 102-ge habarlasqannan keiın poliseiler auruhanaǧa kelgen. Kezekşı därıger men medbike jasöspırımdı qarap, anasynyŋ kelısımımen fotoǧa tüsırgen. "Terısı taza, terınıŋ tūtastyǧy būzylmaǧan, nauqas körsetken jerlerde gematomalar men ısınuler anyqtalǧan joq", – dep habarlady ortalyq. Būl ıs boiynşa sot-medisinalyq saraptama taǧaiyndalyp, onyŋ qorytyndysy keiın belgılı bolatyny aityldy. Eske sala keteiık, Astanada liftıde  jasöspırım 5 jasar balanyŋ betın pyşaqpen tılgılep tastaǧan edı. Keiınnen jasöspırımnıŋ psihiatriialyq auruhanaǧa jatqyzylǧany belgılı boldy.