Kenşıler men jūmys beruşı arasynda ara-tūra dau şyǧyp tūratyn «Qazaqmys» rudnikterınde apat örıstep jatyr. «Qazaqmysqa» qarasty kenışterde būǧan deiın bolǧan apattar nenı bıldıredı?
Qazaqstandaǧy eŋ ırı tau-ken öndırısınıŋ bırı – "Qazaqmys" korporasiiasy el ekonomikasynda maŋyzdy röl atqaryp keledı. Alaida būl öndırıs ornynda bırneşe jyldan apattar men qaiǧyly oqiǧalar oryn alyp jatyr. 30 jyldan berı korporasiianyŋ şahtalarynda jäne mys qorytu zauyttarynda adamdar qaza tauyp, jaraqat alǧan.
Bır apta būryn Ūlytau oblysynyŋ Jaŋaarqa audanynda ornalasqan «Jomart» ken ornynda tau jynysy opyrylyp tüsıp, jetı kenşı qaza tapqan. Soŋynan osy kendı basqaryp otyrǧan «Qazaqmys» kompaniiasy adam ölımıne qūlaǧan tau jynystarynyŋ sebep bolmaǧanyn mälımdegen. Resmi aqparatqa qaraǧanda, qūtqaruşy brigada tau jynystarynyŋ qūlauy turaly eşqandai aiǧaq tappaǧan. «Qazaqmys» osylai aqtalyp jürgende, öndırıstı qauıpsızdık şaralarymen qamtamasyz etu mäselesı de özektı bolyp qala bermek. Būǧan deiıngı qaiǧyly oqiǧalar qazırden jaŋa şaralar qabyldauǧa sebep bolsa kerek edı. Būrynǧy apattarǧa şolu jasap kördık.
1995 jyl
«Qazaqmys» korporasiiasy 1992 jyly qūrylǧan. BAQ-ta jariialanǧan derekterge süiensek, 1995 jyly korporasiiada 19 adam jūmys uaqytynda ıs basynda qaza tapqan.
2006 jyl
2006 jyly 27 jeltoqsanda Qaraǧandy oblysynyŋ Sätbaev qalasynda ornalasqan «Qazaqmys» korporasiiasynyŋ № 65 şahtasynda oryn alǧan öndırıstık apat saldarynan 1957 jyly tuǧan auysym şeberı Krugliakov köz jūmdy. Tötenşe jaǧdailar ministrlıgınıŋ mälımetınşe, oqiǧa jeltoqsannyŋ särsenbı künı taŋǧy 3:40 şamasynda bolǧan. Aldyn ala derekter boiynşa, dozator qūlap ketıp, jūmysşy auyr jaraqattan oqiǧa ornynda qaitys bolǧan.
2010 jyl
20 mausym künı Qaraǧandy oblysyndaǧy "Stepnoi" şahtasynda jöndeu jūmystary kezınde jarylys bolyp, 23, 28 jäne 37 jastaǧy üş jūmysşy qaza tapty. Taǧy bır jūmysşy termiialyq küiık alǧan. Apattyŋ sebebı qauıpsızdık tehnikasynyŋ būzyluy dep jariialandy.
2013 jyl
Būl jyly «Qazaqmys» kompaniiasynda üş apat oryn alyp, üş adam qaza tapqan.
3 mausymda "Stepnoi" şahtasynda tau jynystaryn tüsıru kezınde jer asty özdıgınen jüretın maşina şahtanyŋ jyrasyna tüsıp, maşinist qaza tapty.
28 qyrküiekte Oŋtüstık-Jezqazǧan şahtasynda tau jynysynyŋ üzılıp tüsıp, özdıgınen jüretın jük kölıgınıŋ üstıne qūlauy saldarynan jürgızuşı qaza tapty.
Al 2 qazan künı Jezqazǧan mys qorytu zauytynda jabdyqtardy tazalau kezınde biıktıkten qūlap, bır qyzmetker qaza tapty.
2014 jyl
2014 jyly «Qazaqmys» korporasiiasynyŋ kenışterı men öndırıs oşaqtarynda bırneşe qaiǧyly oqiǧa tırkeldı.
Qaŋtar aiynda korporasiiaǧa qarasty «Jomart» şahtasynda jūmysşy özdıgınen jüretın kölıkpen soqtyǧysyp, mert boldy.
7 aqpanda taǧy bır şahter qaza tapty. Būl oqiǧa da jūmysşylardyŋ eŋbek jaǧdaiyn jaqsartu qajettıgın aiqyndai tüstı.
21 nauryzda Qarsaqbai mys qorytu zauytynda jūmysşy öndırıstık jaraqat saldarynan köz jūmdy.
Küz aiynda Qaraǧandy oblysynda ornalasqan bır kenışte mina jarylysy saldarynan taǧy bır jūmysşynyŋ ömırı qiyldy. Jarylys sebepterı men jūmysşylardyŋ qauıpsızdık deŋgeiıne qatysty sūraqtar qoǧamda alaŋdauşylyq tuǧyzdy.
2015 jyl
2015 jyldyŋ 16 qyrküiegınde «Qazaqmys» korporasiiasyna qarasty «EnergoSeti» käsıpornynda öndırıstık apat oryn aldy. Jöndeu jūmystary kezınde avtokrannyŋ jebesı qūlap, saldarynan slesar er adam auyr jaraqat alyp, oqiǧa ornynda qaza tapty.
2016 jyl
2016 jyly «Qazaqmys» korporasiiasynda oryn alǧan qaiǧyly oqiǧalar: sebepterı men saldary
9 mausymda kran maşinisı auyr küiık alyp, 10 künnen keiın auruhanada qaitys boldy. Oqiǧanyŋ naqty sebepterı turaly aqparat taralmady.
9 şılde künı «Jomart» kenışınde 42 jastaǧy şahter suǧa batyp kettı.
Al 28 şıldede Jezqazǧan baiytu fabrikasynyŋ aumaǧynda dänekerleuşı ölı küiınde tabyldy. Apat sebebı turaly aqparat taramady.
2017 jyl
Būl jyl da «Qazaqmys» üşın qaiǧyly jyl boldy. Qoǧam kompaniianyŋ öndırıstık qauıpsızdık mäselelerıne qaita küdıkpen qarady.
31 nauryz künı tau-ken jūmysşysy ştrektıŋ bırınde es-tüssız küiınde tabyldy. Aldyn ala mälımetter boiynşa, būl jaǧdaidyŋ sebebı jūmysşynyŋ densaulyq jaǧdaiyna bailanysty boluy mümkın.
2017 jyldyŋ 26 qyrküiegınde sol kenışte taǧy bır qaiǧyly oqiǧa tırkeldı. Jūmysşyny tok soǧyp, ol oqiǧa ornynda qaza boldy. Būl jaǧdaidyŋ aldyn ala sebebı retınde elektr jabdyqtarymen jūmys ısteu kezınde qauıpsızdık erejelerınıŋ saqtalmauy dep qarastyryldy.
2018 jyl
2018 jyldyŋ 31 jeltoqsanynda Şyǧys Jezqazǧan kenışınde 35 jastaǧy maşinist tau jynysynyŋ opyryluy saldarynan köz jūmdy.
2019 jyl
2019 jyly Oŋtüstık Jezqazǧan kenışınde oryn alǧan üş qaiǧyly oqiǧa öndırıstık qauıpsızdık mäselelerın qaita köterdı.
2019 jyly 19 şıldede 28 jastaǧy kenşı jūmys barysynda mert boldy. Oqiǧanyŋ naqty sebepterı turaly aşyq aqparat joq, alaida öndırıstık apat retınde tırkelgenı belgılı.
28 qaraşa künı Oŋtüstık Jezqazǧan kenışınde jarylys saldarynan şeber qaza tapty.
25 jeltoqsanda №45 şahtada 1973 jyly tuǧan elektr dänekerleuşısı tau-ken-şahtalyq kölıgınıŋ astynda qalyp, auyr jaraqattan qaitys boldy. Oqiǧa 235-şahtadaǧy №1 ştrekt öndırıs ornynda oryn alǧan. Tergeu organdary jürgızuşınıŋ jūmysşyny qalai baiqamai qalǧanyn anyqtauda
2020 jyl
2020 jyly «Qazaqmys» käsıporny 9 qyzmetkerınen aiyryldy.Alaida apattar turaly tolyq aqparat BAQ betınde jariialanbaǧan.
Sol jyly 13 qaŋtarda Jezqazǧan qalasyndaǧy "Stepnoi" şahtasynda tau jynysynyŋ opyryluy saldarynan bır kenşı qaza tapty.
2020 jylǧy 10 mausym künı Qaraǧandy oblysyndaǧy "Sätbaev" şahtasynda metan gazynyŋ jarylysy nätijesınde ekı jūmysşy mert boldy.
2020 jylǧy 22 qyrküiekte Balqaş qalasyndaǧy mys qorytu zauytynda jabdyqtardy jöndeu kezınde bır qyzmetker elektr togynyŋ soǧuynan qaitys boldy.
2022 jyly
2022 jyldyŋ 28 tamyzynda Jastar kömır razrezınde karerge arnalǧan auyr BelAZ kölıgı men UAZ soqtyǧysyp, ekı adam mert bolyp, üşeuı jaraqat aldy.
2023 jyly
Būl jyly «Qazaqmysta» 6 adam qaitys bolǧan.
20 qyrküiek künı Balqaş mys qorytu zauytynda montaj qyzmetkerı qaza tapty. Araǧa bır jarym ai salyp, 5 qaraşa künı Şyǧys Jezqazǧan kenışındegı №57 şahtada tau jynysynyŋ opyryluy saldarynan ken şeberı köz jūmdy.
2023 jyldyŋ 22 qaraşasynda Jezqazǧan baiytu fabrikasynyŋ №2 bölımınde jūmysşyny konveier mehanizmı qysyp tastap, äiel adam qaitys boldy.
5 künnen soŋ, 27 qaraşada – «Jaisan» kenışınde 1981 jäne 2002 jyly tuǧan ekı şahter qaza boldy.
2023 jyldyŋ 26 jeltoqsany – «Şyǧys Sary-Oba» şahtasynda 31 jastaǧy maşinist jerasty tehnikasynyŋ astynda qalyp, mert boldy.
2024 jyl
2024 jyldyŋ 7 qazany künı Qaraǧandy oblysyndaǧy «Saiaq-3» şahtasynda iıs gazynyŋ taraluy saldarynan ekı adam qaza tapty.
2025 jyl
Al 2025 jyldyŋ 21 qaŋtarynda Şyǧys Jezqazǧan kenışındegı «Annenskaia» şahtasynda 40 jastaǧy ūntaqtauşy mert boldy.
Bır aidan soŋ, 17 aqpanda Ūlytau oblysyndaǧy «Jomart» kenışınde tau opyrylyp, jetı kenşı üiındı astynda qaldy. Keiınnen jetı adamnyŋ mäiıtı jer astynan şyǧarylyp, jerlendı.
«Qazaqmys» korporasiiasy — Qazaqstannyŋ jetekşı tau-ken jäne metallurgiia kompaniialarynyŋ bırı. 1992 jyly Qazaqstan ükımetı «Jezqazǧantüstımet» atauymen aksionerlık qoǧam qūrdy, keiınnen ol «Qazaqmys» korporasiiasyna ainaldy. 1995 jyly kompaniia Oŋtüstık Koreianyŋ «Samsung Doichland GmbH» korporasiiasynyŋ basqaruyna berıldı, būl şeşım öndırıstı qalpyna keltıru jäne investorlar tartu maqsatynda qabyldandy. 1997 jyly kompaniia atauy «Qazaqmys» bolyp özgertıldı.
Resmi saitta "Qazaqmys" korporasiiasy JŞS basqarma töraǧasy retınde Nūriev Nūrahmet Qanatūly, «Kazakhmys Holding» (Qazaqmys Holding) JŞS direktorlar keŋesı töraǧasynyŋ bırınşı orynbasary - Andrei Pavlovich Gaidin, Vladimir Kim men Eduard Ogai “Qazaqmys” aksionerlerı retınde körsetılgen.
Symbat Nauhan
«Adyrna» ūlttyq portaly
