Reseidıŋ Ukrainaǧa keŋ auqymdy basyp kıruı bastalǧaly berı Kievte reseilık soqqylardan 4 myŋ köpqabatty tūrǧyn üi zaqymdanǧan. Būl turaly 20 tamyzda qala äkımı Vitalii Klichko «RBK-Ukrainaǧa» bergen tüsınıktemesınde mälımdedı, dep habarlaidy «Adyrna» tılşısı.
Onyŋ aituynşa, Kievte barlyǧy 12 myŋ köpqabatty üi bar. Al Reseidıŋ ärbır şabuyly qala biudjetıne şamamen 500 million grivnaǧa (şamamen 9,64 million euro) tüsedı. Klichko sonymen qatar soŋǧy uaqytta «şabuyldardyŋ jiılıgı artyp, qala aptasyna ekı retke juyq ballistikalyq zymyrandar men drondardyŋ şabuylyna ūşyrap jatqanyn» aitty.
Qala bilıgı mobildı panalau oryndaryn ornalastyru jūmystaryn jalǧastyryp jatyr. Alaida Kiev merınıŋ pıkırınşe, zymyrandyq şabuyldardan şyn mänınde tek bombadan qorǧanatyn baspanalar ǧana qorǧai alady. Qazırgı uaqytta mūndai baspanalar jetkılıksız.
Klichko 20 tamyz künı tüsten keiın jasalǧan reseilık şabuyl saldarynan Desnianskii jäne Dneprovskii audandarynyŋ bır bölıgındegı tūrǧyndarǧa ystyq su beru uaqytşa toqtauy mümkın ekenın eskerttı. Ol sondai-aq Resei qaruly küşterınıŋ ūşqyşsyz ūşaǧy Kievtıŋ Goloseevskii audanyndaǧy biznes-ortalyqqa zaqym keltırgenın, bır adam qaza tauyp, ekı adamnyŋ jaralanǧanyn jetkızdı. Qūtqaruşylar ǧimaratta ızdeu-qūtqaru jūmystaryn jalǧastyryp jatyr.
20 tamyzǧa qaraǧan tünı Ukraina astanasy kezektı ret Reseidıŋ jappai şabuylyna ūşyraǧan edı. Resei äskerilerı qalaǧa zymyrandar men drondar ūşyrǧan. Soŋǧy mälımetter boiynşa, Kiev pen Kiev oblysynda 16 adam qaza tauyp, ondaǧan adam jaralanǧan. Ukraina prezidentı Vladimir Zelenskiidıŋ aituynşa, şabuyl saldarynan 30 tūrǧyn üi, mektep, auruhana jäne balabaqşa zaqymdanǧan.
21 tamyz Kievte qaraly kün bolyp jariialandy.
