Ūlytau oblysynyŋ äkımdıgı men «Kazsink» JŞS yntymaqtastyq turaly memorandumǧa qol qoidy

Bügın Ūlytau oblysynyŋ äkımdıgı men «Kazsink» JŞS arasynda ekıjaqty yntymaqtastyq jäne özara ıs-qimyl turaly memorandumǧa qol qoiu räsımı öttı. Būl kelısım Ūlytau oblysynyŋ ekonomikalyq damuyn qoldauǧa, äleumettık jäne infraqūrylymdyq jobalardy jüzege asyruǧa baǧyttalǧan. Qūjatqa qol qoiu barysynda Ūlytau oblysynyŋ äkımı jäne «Kazsink» JŞS basşylyǧy ekı taraptyŋ serıktestıgı öŋırdıŋ tūraqty damuyna eleulı üles qosatynyn atap öttı. Qūjatqa säikes, «Kazsink» JŞS aǧymdaǧy jyly Ūlytau oblysyndaǧy Jäirem kentınde ıske asyrylyp jatqan 10 äleumettık jobany qarjylandyrady. Būl jobalar densaulyq saqtau, sport, infraqūrylym jäne äleumettık nysandardy abattandyru salalaryn qamtidy. 2025 jylǧa arnalǧan ırı bastamalardyŋ ışınde tömendegılerdı atap ötuge bolady: sport keşenınıŋ qūrylysy, 60 päterlı tūrǧyn üi qūrylysy jobasy aiasynda syrtqy jelılerdı ornatu jäne aumaqty abattandyru jūmystary, sondai-aq, qazandyq jäne tūrǧyn üiler üşın kömır satyp alu. Būdan basqa, därıgerler men mūǧalımderdı qosa alǧanda, biudjet salasynyŋ qyzmetkerlerı üşın 20 päter satyp alu josparlanuda. Aita keteiık, Ūlytau oblysynyŋ äkımdıgı men Kazsink kompaniiasy arasyndaǧy yntymaqtastyq 2022 jyldyŋ qaraşa aiynda bastaldy, sodan berı aimaqtyŋ damuyna jäne onyŋ tūrǧyndarynyŋ ömır süru deŋgeiın arttyruǧa oŋ äser etken köptegen jobalar ıske asyryldy.