Qazaqstandyq mänerlep syrǧanauşy Mihail Şaidorov Oŋtüstık Koreianyŋ Seul qalasynda ötken mänerlep syrǧanaudan tört qūrlyq chempionatynda altyn medal jeŋıp aldy, dep habarlaidy "Adyrna" ūlttyq portaly.
Mihail qysqa jäne erkın baǧdarlamada üzdık nätije körsetıp, öz mansabyndaǧy rekordtyq 285.10 ūpai jinady. Ol qysqa baǧdarlamada 94.73 ūpai, al erkın baǧdarlamada 190.37 ūpai enşıledı.
Jarystyŋ kümıs jüldesın Oŋtüstık Koreia sportşysy Junhvan Cha (265.02 ūpai) ielense, amerikalyq Jimma Ma (245.01 ūpai) qola jüldege qol jetkızdı.
Qazaqstandyq taǧy bır sportşy Dias Jirenbaev būl jarysty 19-orynmen aiaqtap, 166.34 ūpai jinady.
Aita keteiık, däl osy chempionatta 10 jyl būryn qazaqstandyq mänerlep syrǧanauşy Denis Ten top jarǧan edı. Mihail Şaidorov daŋqty sportşynyŋ jetıstıgın qaitalap, Qazaqstanǧa tarihi jeŋıs syilady.
Ūqsas jaŋalyqtar
