21 aqpan kúni jazýshy Dýlat Isabekov ómirden ótti. Ony shyǵaryp salý rásimi erteń ótedi, dep habarlaıdy "Adyrna" ulttyq portaly.
Marqummen qoshtasý jáne jerleý rásimi 23 aqpan kúni ótedi. Bul týraly Qasymhan Begmanov habarlady.
"Qazaqstannyń Eńbek Eri, qazaq ádebıetiniń klassıgi, jazýshy-dramatýrg Dýlat Isabekov aǵamyzben qoshtasý rásimi qasıetti qara shańyraq - Qazaqstan Jazýshylar odaǵynda, erteń, 23 aqpanda saǵat: 10:00-de ótedi.
Asy saǵat: 13:00-de, Qabyldaý úıinde (Qurmanǵazy-44) beriledi.
Qazir uly jazýshyny joǵary deńgeıde shyǵaryp salý úshin uıymdastyrý jumystary júrip jatyr.
QR Prezıdentine, Erlan Karınge, qalabasyna, basqa da barlyq azamattarǵa alǵysymyzdy aıtamyz. Jazýshynyń otbasyna dúnıe júzinen kóńil aıtý telegrammalary kelip jatyr", - dep jazdy ol.
Dýlat Isabekov – qazaq prozasy men dramatýrgııasynyń damýyna zor úles qosqan qalamger. Onyń shyǵarmalary qazaq ádebıetinde erekshe oryn alyp, birneshe býyn oqyrmannyń júregine jol tapty. «Qarǵyn», «Gaýhartas» syndy týyndylary halyq arasynda keńinen tanymal.
