Qaraǧandy qalasynyŋ Dostyq üiınde Aqsaqaldar keŋesınıŋ respublikalyq otyrysy öttı. Qazaqstan halqy Assambleiasynyŋ 30 jyldyǧy aiasynda ūiymdastyrylǧan kezdesuge elımızdıŋ tükpır-tükpırınen qoǧam qairatkerlerı men ǧalymdar keldı. Döŋgelek üstel barysynda basty maqsaty öskeleŋ ūrpaqty patriottyq jäne ruhani-adamgerşılık tärbieleu bolyp tabylatyn «Adal azamat» jobasynyŋ ıske asyryluy talqylandy. Adaldyq, ädıldık, äleumettık jauapkerşılık, Qazaqstannyŋ eŋbegı men mädeni mūrasyn qūrmetteu qaǧidattary bırınşı orynda boluy tiıs.
Qaraǧandy oblysy äkımınıŋ orynbasary Älıbek Äldenei būl kezdesudıŋ maŋyzdylyǧyn atap öttı. Ol öŋırde jüzden astam etnos beibıtşılık pen kelısımde ömır sürıp jatqanyn aitty.
Öskeleŋ ūrpaqty tärbieleudegı, moraldyq baǧdarlardy qalyptastyrudaǧy jäne etnosaralyq kelısımdı nyǧaitudaǧy Aqsaqaldar keŋesınıŋ negızgı rölın Qazaqstan halqy Assambleiasy töraǧasynyŋ orynbasary, QR PÄ QHA Hatşylyǧynyŋ meŋgeruşısı Marat Äzılhanov atap öttı. Ol öŋırdıŋ belsendı aqsaqaldaryna Alǧys hattar tapsyrdy.
QR MAM Etnosaralyq qatynastardy damytu komitetınıŋ töraǧasy Ǧalym Şoikin Aqsaqaldar keŋesınıŋ qyzmetın qoldau men damytu tetıkterı turaly aityp berdı.
Alaŋ ielerı men türlı oblystardan kelgen qonaqtar öz täjıribelerımen bölıstı.
Mysaly, Pavlodar oblysynyŋ Aqsaqaldar keŋesı töraǧasynyŋ orynbasary Vasilii Rak jastardyŋ eŋbek qūndylyqtaryn qalyptastyruǧa toqtaldy. Ol Aqsaqaldar keŋesınıŋ müşelerı oquşylarmen kezdesıp, olarǧa mamandyq taŋdauǧa kömektesıp, eŋbek adamynyŋ bedelın köterudı ūsyndy.
Otyrysta ǧalymdar: «Tūlǧatanu» ǧylymi-zertteu ortalyǧynyŋ direktory Nūrsahan Beisenbekova, «Adal azamat» jobasyn äzırleuşıler Jambyl Artyqbaev pen Bürkıtbai Aiaǧan söz söiledı.
Qatysuşylar «Adal Azamat» jobasy aiasynda öskeleŋ ūrpaqty tärbieleu boiynşa jūmysty küşeitu qajettıgı turaly şeşım qabyldady.
