Ýkraına prezıdenti Vladımır Zelenskıı eldiń baqylaýyndaǵy aýmaqtardy NATO-nyń qaýipsizdik kepildigine alý arqyly soǵystyń «qyzý kezeńin» toqtatýǵa bolatynyn aıtty, dep habarlaıdy "Adyrna" ulttyq portaly Sky News basylymyna siltep.
Bul týraly Ýkraına basshysy 29 qarashada málimdedi. Zelenskııdiń aıtýynsha, Ýkraına óz aýmaǵyn NATO «qolshatyrynyń» astyna jyldam engizse, ýaqyt óte okkýpaııalanǵan jerlerdi dıplomatııalyq jolmen qaıtarýǵa múmkindik týady.
Ýkraına Soltústikatlantıkalyq alıans quramyna ense, Reseı prezıdenti Vladımır Pýtın basyp alǵan aýmaqtardy qaıtarý úshin jańa shabýyldar jasaı almaıdy. Eger NATO tarapynan qaýipsizdik kepilinsiz soǵysty «toqtatý» kelisimi jasalsa, Ýkraınaǵa jańa qaýip tónýi múmkin.
Zelenskıı okkýpaııalanǵan aýmaqtardan bas tartý týraly áńgime joq ekenin atap ótti. Onyń pikirinshe, Ýkraına halyqaralyq moıyndalǵan shekaralarynda, onyń ishinde anneksııalanǵan Qyrymdy qosa alǵanda, NATO-ǵa múshe bolýy tıis.
«Biz eshqashan óz jerimizdi qandaı da bir statýsqa aıyrbastamaımyz. NATO-nyń qoldaýymen Ýkraına bul jerlerdi dıplomatııalyq jolmen qaıtaryp alady», – dedi Zelenskıı.
Bul málimdeme AQSh-tyń burynǵy prezıdenti Donald Tramptyń Ýkraına men Reseı arasyndaǵy soǵysty toqtatý josparyna jaýap retinde aıtyldy. Tramptyń jospary boıynsha, Ýkraına NATO-ǵa múshe bolý úshin keıbir aýmaqtardy Reseıge qaldyrýǵa kelise alady degen pikir talqylanǵan edi.
Aıta keteıik, Ýkraına alǵash ret amerıkalyq ATACMS zymyrandary arqyly Reseı aýmaǵyna soqqy bergen bolatyn.
