Beısenbi kúni Fılıppınniń ońtústigindegi kúrish alqabynda ushaq apatqa ushyrap, AQSh-tyń bir áskerı qyzmetkeri men Pentagonnyń úsh merdigeri qaza tapty. Ushaqty amerıkandyq áskerıler jaldaǵan. Bul týraly AQSh áskerı basqarmasy jarııalady, dep habarlaıdy “Adyrna” ulttyq portaly.
Habarlamada ushaqtyń ádettegi tapsyrmany oryndap jatqandyǵy, ıaǵnı fılıppındik odaqtastardyń ótinishi boıynsha barlaý jáne baqylaý jumystaryn júrgizip jatqany aıtylǵan. Ushaqtyń qulaý sebepteri anyqtalýda.
Fılıppınderdiń Azamattyq avıaııa basqarmasy da Magındanao-del-Sýr provınııasynda jeńil ushaqtyń qulaǵanyn rastady, biraq qosymsha málimet berilmegen.
Qaza bolǵan tórt adamnyń deneleri Ampatýan qalasynyń qırandylarynan shyǵarylǵanyn jergilikti qaýipsizdik qyzmetiniń ókili Amır Djehad Tım Ambolodto habarlady. AQSh-tyń Úndi-Tynyq muhıty qolbasshylyǵy ekıpaj músheleriniń aty-jóni olardyń týystary habarlandyrylmaıynsha jarııa etilmeıtinin atap ótti.
Provınııadaǵy apattyq jaǵdaılardy joıý jónindegi koordınator Vındı Bıtı Associated Press agenttigine jergilikti turǵyndardan ushaq qulaǵanǵa deıin tútin kórip, jarylys estigenin habarlaǵanyn aıtty. Bıtıdiń aıtýynsha, apat orny men onyń mańynda eshkim zardap shekpegen, al oqıǵa ornyn áskerıler qorshaýǵa alǵan.
AQSh áskerıleri birneshe onjyldyqtar boıy Fılıppınderdiń ońtústiginde áskerı bazaǵa ornalasyp, ıslamshyl búlikshilermen kúresip júrgen jergilikti kúshterge keńes berip, olardy oqytyp keledi.
