Satbayev University jáne inDrive kompanııasynyń basshysy Arsen Tomskıı «inVision U» fakýltetin qurý týraly kelisimge qol qoıdy. Bul fakýltet Qazaqstan men Ortalyq Azııanyń daryndy túlekterine tegin joǵary bilim berýdi maqsat etken, dep habarlaıdy "Adyrna" ulttyq portaly Kýrsıvke siltep.
Joba 2025 jyldyń qyrkúıeginde bastalady. Ýnıversıtet 400 stýdentke IT, marketıng jáne medıa, ǵylym, qoǵam, memlekettik basqarý salalary boıynsha bilim bermek.
2025 jylǵy qyrkúıekte oqý Foundation daıyndyq kýrsynan bastalady dep kútilýde. Bul kezeńde stýdentter synı oılaý, analıtıka, aǵylshyn tili, matematıka jáne IT salalary boıynsha bilim alady. Al 2026 jylǵy qyrkúıekte bakalavr baǵdarlamasy iske qosylady.
Oqý barysynda teorııalyq lekııalardan góri tájirıbelik jobalar men komandalyq jumysqa basymdyq beriledi. Sabaqtar qazaq, orys jáne aǵylshyn tilderinde júrgiziledi.
Foundation baǵdarlamasyna ótinish qabyldaý 2025 jylǵy 15 sáýirde bastalyp, 1 tamyzǵa deıin jalǵasady. Bakalavrıatqa qabyldaý 2026 jyly bastalady.
Arsen Tomskıı 2022 jyly Reseıdiń Ýkraınaǵa qarsy soǵysyn ashyq synap, kásibin Qazaqstanǵa kóshirdi. 2023 jyly Qazaqstan azamattyǵyn alǵan bolatyn.
