Satbayev University جانە inDrive كومپانياسىنىڭ باسشىسى ارسەن تومسكي «inVision U» فاكۋلتەتىن قۇرۋ تۋرالى كەلىسىمگە قول قويدى. بۇل فاكۋلتەت قازاقستان مەن ورتالىق ازيانىڭ دارىندى تۇلەكتەرىنە تەگىن جوعارى ءبىلىم بەرۋدى ماقسات ەتكەن، دەپ حابارلايدى "ادىرنا" ۇلتتىق پورتالى كۋرسيۆكە سىلتەپ.
جوبا 2025 جىلدىڭ قىركۇيەگىندە باستالادى. ۋنيۆەرسيتەت 400 ستۋدەنتكە IT, ماركەتينگ جانە مەديا، عىلىم، قوعام، مەملەكەتتىك باسقارۋ سالالارى بويىنشا ءبىلىم بەرمەك.
2025 جىلعى قىركۇيەكتە وقۋ Foundation دايىندىق كۋرسىنان باستالادى دەپ كۇتىلۋدە. بۇل كەزەڭدە ستۋدەنتتەر سىني ويلاۋ، اناليتيكا، اعىلشىن ءتىلى، ماتەماتيكا جانە IT سالالارى بويىنشا ءبىلىم الادى. ال 2026 جىلعى قىركۇيەكتە باكالاۆر باعدارلاماسى ىسكە قوسىلادى.
وقۋ بارىسىندا تەوريالىق لەكتسيالاردان گورى تاجىريبەلىك جوبالار مەن كوماندالىق جۇمىسقا باسىمدىق بەرىلەدى. ساباقتار قازاق، ورىس جانە اعىلشىن تىلدەرىندە جۇرگىزىلەدى.
Foundation باعدارلاماسىنا ءوتىنىش قابىلداۋ 2025 جىلعى 15 ساۋىردە باستالىپ، 1 تامىزعا دەيىن جالعاسادى. باكالاۆرياتقا قابىلداۋ 2026 جىلى باستالادى.
ارسەن تومسكي 2022 جىلى رەسەيدىڭ ۋكرايناعا قارسى سوعىسىن اشىق سىناپ، كاسىبىن قازاقستانعا كوشىردى. 2023 جىلى قازاقستان ازاماتتىعىن العان بولاتىن.
