Ūlytau oblysyndaǧy «Qazaqmys» korporasiiasyna qarasty «Jomart» ken ornynda bolǧan qaiǧyly oqiǧadan keiın mäjılıs deputattary eŋbek qauıpsızdıgın küşeitu mäselesın köterdı, dep habarlaidy "Adyrna" ūlttyq portaly.
Mäjılıs otyrysynda deputat Arman Qalyqov elımızdegı önerkäsıptık qauıpsızdık jüiesın tübegeilı qaita qarau qajettıgın mälımdedı. Onyŋ aituynşa, «Qazaqmys» käsıporyndaryndaǧy jazataiym oqiǧalardyŋ jiıleuı saladaǧy baqylau men qauıpsızdık standarttarynyŋ älsıregenın körsetedı.
«Qauıptı öndırısterde qauıpsızdık mäselelerın qamtamasyz etetın memlekettık instituttar joiyldy. Sonyŋ saldarynan bız joǧary bılıktı mamandar men inspektorlardy joǧaltyp, ǧylymi-ädıstemelık bazadan aiyryldyq. Būl jaǧdai tehnogendık qauıpsızdıkke kerı äserın tigızdı», – dedı deputat.
Ol mūndai oqiǧalardyŋ Qazaqstandaǧy ken oryndary men şahtalarynda jyl saiyn qaitalanatynyn alǧa tartyp, önerkäsıptık qauıpsızdıktı qamtamasyz etetın memlekettık instituttardyŋ maŋyzdylyǧyn atap öttı.
"Nege joǧary paida äkeletın käsıporyn jyldar boiy eŋbek qauıpsızdıgın qamtamasyz etpei keledı?! Mūndai tehnogendık apattar jyl saiyn elımızdıŋ ken oryndarynda, şahtalarynda, mūnai ken oryndarynda qaitalanady. Būl önerkäsıptık qauıpsızdık memlekettık instituttarynyŋ maŋyzdylyǧy men qajettılıgın aiqyndaidy", — dedı ol.
Deputattar "Qazaqmys"-tyŋ jūmysyna qatysty bırneşe ūsynys aitty.
- Önerkäsıptık qauıpsızdık mäselelerımen ainalysatyn, tıkelei premer-ministrge baǧynatyn jeke memlekettık organ qūru;
- Qauıptı öndırısterde jūmys ısteitın qyzmetkerlerdıŋ ömırı men densaulyǧyn saqtandyru jüiesın jetıldıru;
- Kenışterdıŋ jeldetu jüielerın normativterge säikestıgın tekseru;
- Tau-ken käsıporyndaryndaǧy jabdyqtar men tehnologiialardy jaŋǧyrtuǧa qarjy böludı qamtamasyz etu.
Ūqsas jaŋalyqtar
