Ūlytau men Şensi. İnvestisiia jäne serıktestık jaŋa deŋgeige köterıledı

Ūlytau oblysynyŋ äkımı Dastan Ryspekov Qytai Halyq Respublikasyna jūmys sapary aiasynda Şensi provinsiiasynyŋ gubernatory Chjao Ganmen resmi kezdesu ötkızdı.
 
Kezdesu barysynda taraptar ekı öŋır arasyndaǧy investisiialyq, sauda-ekonomikalyq jäne mädeni-gumanitarlyq yntymaqtastyqty damytuǧa qatysty özektı mäselelerdı jan-jaqty talqylady. Äsırese, özara tiımdı ärıptestıktı jaŋa deŋgeige köteru, bırlesken jobalardy ıske asyru jäneıskerlık bailanystardy nyǧaitu baǧytyndaǧy basymdyqtarǧa erekşe män berıldı.
 
Taraptar öŋıraralyq yqpaldastyqty keŋeituge jäne ūzaq merzımdı serıktestıktı damytuǧa özara daiyn ekenderın bıldırıp, naqty bastamalardy jüzege asyruǧa müddelılık tanytty.
 
Sonymen qatar sapar aiasynda Ūlytau oblysynyŋ äkımı  Şensi halyqaralyq sauda-ekonomikalyq tobyna (Shaanxi International Economic and TradeGroup) baryp, ūiym basşylyǧymen kezdestı. Qazırgı uaqytta provinsiiadaǧy ırı memlekettık kompaniianyŋ bırı. 80 tolyq enşıles jäne holdingtık ūiymy bar, qyzmetker sany 2500-denasady. Kezdesu barysynda direktorlar keŋesınıŋ töraǧasy Van Tiansiunmen investisiialyq yntymaqtastyqty damytu, bırlesken jobalardy ıske asyru jäne özara tiımdı ärıptestıktı keŋeitu mäselelerı talqylandy.
 
Jūmys sapary barysynda öŋır basşysy Sian qalasyndaǧy bırqatar strategiialyq maŋyzy bar nysandardy aralady. Zamanaui öndırıs pen ozyq tehnologiialardyŋ damu qarqynyna erekşe nazar audaryldy. Atap aitqanda, älemdık deŋgeidegı elektromobil, akkumuliatorlar jäne jaŋartylatyn energiia közderın öndıruşı BYD kompaniiasynyŋ qyzmetımen tanysyp, öndırıstık äleuetı men innovasiialyq şeşımderı zerdelendı.
 
Sonymen qatar Sian qalasyndaǧy qūrǧaq porttyŋ (logistikalyq habtyŋ) infraqūrylymy jan-jaqty qarastyryldy. Būl nysan halyqaralyq sauda ainalymyn arttyruda jäne jük tasymalyn tiımdı ūiymdastyruda maŋyzdy röl atqaratyny atap ötıldı.
 
Atap ötu kerek, Şensi provinsiiasy Ūlytau oblysy sekıldı Qytai memleketınıŋ ortalyǧynda ornalasqan ärı logistikalyq hab jūmysy joǧary deŋgeide damyǧan aimaq. Kezdesu barysynda öŋırımızde de atalǧan baǧytty damytu jūmystary keŋınen talqylandy.