Batys Qazaqstan oblysynyń Bókeıorda aýdanynda, Uıaly aýylynyń mańyna belgisiz ushý apparaty qulady. Ony jergilikti turǵyndar taýyp alǵan, dep habarlaıdy "Adyrna" ulttyq portaly «Moı Gorod» basylymyna silteme jasap.
Anyqtalǵan nysannyń uzyndyǵy – 120 santımetr. Oqıǵa ornyna polıııa men qutqarýshylar baryp, tekserý jumystaryn júrgizdi.
Basylymnyń málimetinshe, kýágerler túsirgen sýretterge qaraǵanda, bul franýzdyq Sagem kompanııasy ázirlegen Crecerelle barlaý drony bolýy múmkin. Bókeıorda aýdany ákimdigi dronnyń qulaǵanyn rastaǵanymen, bul týraly pikir bildirýden bas tartty.
Al BQO polıııa departamentiniń málimetinshe, qulaǵan nysanǵa baılanysty tekserý jumystary bastalǵan.
"Bókeıorda aýdany, Uıaly aýyly mańynda pılotsyz ushý apparatyna uqsas zattyń qulaýyna baılanysty polıııa departamenti ýákiletti organdarmen birlesip tekserý júrgizýde", – dep habarlady vedomstvo.
Aıta keteıik, Bókeıorda aýdanynda 1946 jyldan beri jumys isteıtin "Kapýstın Iar" áskerı polıgony ornalasqan. Qazirgi ýaqytta bul aýmaqty Reseıdiń qorǵanys mınıstrligi jalǵa alyp otyr. Polıgon aýdan jeriniń 49,1 paıyzyn qamtıdy.
«Moı Gorod» basylymynyń málimetinshe, aýdanda zymyran men ushý apparattarynyń synyqtarynyń qulaýy jıi kezdesedi.
