Edıl Jaŋbyrşin: Adam qūqyǧy januarlar qūqyǧynan joǧary boluy tiıs

Mäjılıs deputaty Edıl Jaŋbyrşin QR Premer-Ministrı Oljas Bektenovke joldaǧan deputattyq saualynda būralqy itter mäselesın köterıp, ony şeşu üşın Ükımet şūǧyl şaralar qabyldauy kerektıgın aitty. Deputat öz sözınde Maŋǧystau oblysynda 16 jastaǧy balanyŋ itke talanyp, auyr jaraqat alǧan oqiǧasyn mysalǧa keltırıp, mūndai jaǧdailardyŋ jiılep ketkenın atap öttı. Onyŋ aituynşa, elımızde jyl saiyn 38 myŋnan astam adamdy it qabady, al onyŋ kemınde jartysy – 14 jasqa deiıngı balalar. Edıl Jaŋbyrşin januarlardy qorǧauşy keibır ūiymdardyŋ adam qauıpsızdıgın elemei, būralqy itterdı qorǧauǧa basymdyq berıp otyrǧanyn synǧa aldy. "Būralqy itter turaly söz bolsa, januarlar qūqyǧyn qorǧauşy keibır ūiymdar öre tūrady. Tüsınemız, olar IýSAİD siiaqty batystyq ūiymdardan alǧan granttarynyŋ aqşasyn aqtauy kerek bolar. Bıraq, januarlar qūqyǧy adam qūqyǧynan joǧary bolǧany ma?!" – dedı deputat. Osyǧan bailanysty, Edıl Jaŋbyrşin Ükımetke kelesı şaralardy qabyldaudy ūsyndy: Bırınşıden, januarlardy qorǧauşy ūiymdardyŋ qarjylandyru közderın tekseru. Ekınşıden, azamattardy, Parlament deputattary men memlekettık qyzmetkerlerdı äleumettık jelılerde balaǧattap, jala jabu äreketterın zertteu. Üşınşıden, būralqy itterdı jappai aulap, jūqpaly aurular taratatyn jäne agressiia körsetetınderın evtanaziialau. Deputat «Januarlarǧa jauapkerşılıkpen qarau turaly» zaŋǧa özgerıster engızu qajettıgın aitty. Ūsynylǧan jaŋa normalarǧa säikes, iesız itter 15 kün ışınde iesı tabylmasa, evtanaziia ädısımen ūiyqtatylady. Mūndai ädıs AQŞ, Japoniia, Fransiia, Ūlybritaniia siiaqty elderde qoldanylatynyn atap ötken deputat, eŋ aldymen adam ömırı men qauıpsızdıgı basty orynda boluy tiıs ekenın basa aitty.