Kaspıı qubyr konsorıýmynyń (KTK) Krasnodar ólkesindegi munaı aıdaý stanııasy drondar shabýyly saldarynan aýyr zaqymdandy. Onyń jóndelýi 1,5-2 aıǵa sozylýy múmkin. Bul týraly halyqaralyq konsorıýmnyń reseılik akıoneri «Transneft» kompanııasy málimdedi, dep habarlaıdy “Adyrna” ulttyq portaly.
«KTK mamandarynyń pikirinshe, atalǵan shabýyldyń saldaryn 1,5-2 aı ishinde joıý josparlanǵan. Bul Qazaqstannan aıdalatyn munaı kóleminiń shamamen 30%-ǵa tómendeýine ákelýi múmkin…
Shabýyldyń nátıjesinde nysanǵa aýyr zaqym keldi: shatyr buzyldy, jabyq taratý qurylǵysy, gaz týrbınalyq qondyrǵysy (GTQ) zaqymdandy, kabelder men kabel estakadasy, sý rezervýary, eki transformator, súzgiler men GTQ órt sóndirý júıesi joıyldy», - dep atap ótti kompanııa.
Qazirgi ýaqytta «Teńiz-Novorossıısk» magıstraldyq munaı qubyry arqyly munaı tasymaldaý apattyq shema boıynsha ýaqytsha toqtatylǵan “Kropotkınskaıa” munaı aıdaý stanııasyn aınalyp ótip jatqany habarlandy.
“KTK júıesi boıynsha 2024 jyly tasymaldanǵan munaı kólemi 63 mıllıon tonna boldy, onyń 74 paıyzy amerıkalyq jáne basqa da batys júkteriniń úlesine tıedi”, - dep málimdedi «Transneft».
«Konsorıýmnyń álemdik energetıkalyq qaýipsizdikti qamtamasyz etýdegi jáne qatysýshy elderdiń ekonomıkalyq múddelerin júzege asyrýdaǵy róli barlyq KTK akıonerleri men tıisti memleketter basshylyǵy tarapynan bir aýyzdan moıyndalady. Bul konsorıýmǵa eshqashan sankııalar nemese shekteý sharalary engizilmegeninen aıqyn kórinedi», - dep basa aıtty kompanııa.
Eske salaıyq 17 aqpan kúni Kaspıı qubyr konsorıýmynyń munaı tasymaldaý nysany — «Kropotkınskaıa» munaı aıdaý stansasy drondar shabýylyna ushyraǵanyn habarladyq.
Keıin Ýkraına jasalǵan shabýyldy resmı túrde málimdegen edi.
