Úndistannyń Nıý-Delı qalasyndaǵy temirjol vokzalynda bolǵan keptelis kezinde 18 adam qaza tapty, dep habarlaıdy "Adyrna" ulttyq portaly úndistandyq NDTV telearnasyna silteme jasap.
Qaza tapqandardyń arasynda 11 áıel jáne 5 bala bar.
Oqıǵa Prayagraj Express poıyzyn kútip turǵan jolaýshylardyń kóptigi saldarynan oryn alǵan.
"Senbi kúni Nıý-Delı temirjol stanııasynda keminde 18 adam qaza taýyp, onnan astam adam jaraqat aldy. Oqıǵa dinı Maha Kýmbhý festıvaline bara jatqan jolaýshylardyń poıyzǵa minýge talpynýy saldarynan bolǵan", – delingen habarlamada.
Úndistannyń temirjol mınıstrligi bul ýaqytta Swantrata Senani Express jáne Bhubaneshwar Rajdhani Express poıyzdarynyń kidirgenin, olardyń jolaýshylary da 12, 13 jáne 14-platformalarda bolǵanyn málimdedi.
