Үндістанның Нью-Дели қаласындағы теміржол вокзалында болған кептеліс кезінде 18 адам қаза тапты, деп хабарлайды "Адырна" ұлттық порталы үндістандық NDTV телеарнасына сілтеме жасап.
Қаза тапқандардың арасында 11 әйел және 5 бала бар.
Оқиға Prayagraj Express пойызын күтіп тұрған жолаушылардың көптігі салдарынан орын алған.
"Сенбі күні Нью-Дели теміржол станциясында кемінде 18 адам қаза тауып, оннан астам адам жарақат алды. Оқиға діни Маха Кумбху фестиваліне бара жатқан жолаушылардың пойызға мінуге талпынуы салдарынан болған", – делінген хабарламада.
Үндістанның теміржол министрлігі бұл уақытта Swantrata Senani Express және Bhubaneshwar Rajdhani Express пойыздарының кідіргенін, олардың жолаушылары да 12, 13 және 14-платформаларда болғанын мәлімдеді.
