Ákimsiz qalǵan eki oblys máslıhatynyń depýtattary kezekten tys sessııaǵa shaqyryldy. Bul týraly Abaı oblysy maslıhatynyń saıtynda jarııalanǵan, dep habarlaıdy “Adyrna” ulttyq portaly.
«Qazaqstan Respýblıkasynyń Prezıdenti 2022 jylǵy 8 maýsymdaǵy №912 Jarlyǵymen bekitilgen oblys, respýblıkalyq mańyzy bar qala jáne astana ákimin taǵaıyndaýǵa depýtattardyń kelisim berý erejeleriniń 5,6-tarmaqtaryna sáıkes Abaı oblysyndaǵy maslıhat depýtattarynyń jınalysy 2025 jylǵy 17 aqpan kúni saǵat 12.30-da Semeı qalasyndaǵy Abaı atyndaǵy teatrdyń úlken zalynda ótedi», – delingen Abaı oblysy maslıhatynyń saıtynda jarııalanǵan habarlamada.
Uqsas habarlama Shyǵys Qazaqstan oblysy maslıhatynyń saıtynda da jarııalandy, onda sessııa 2,5 saǵat erterek – 10.00-de bastalatyny aıtylǵan.
Eske sala ketsek, 14 aqpanda prezıdent Qasym-Jomart Toqaev Ermek Kósherbaevty Shyǵys Qazaqstan oblysynyń ákimi laýazymynan bosatyp, Nurlan Uranhaevty Abaı oblysynyń ákimi qyzmetinen bosatty. Sonymen qatar, Kósherbaev vıe-premer qyzmetine taǵaıyndaldy.
