14 aqpan túnde Astanada eski vokzal mańynda joıqyn jarylys boldy. Bul týraly QTJ baspasóz qyzmeti rastady, dep habarlaıdy “Adyrna” ulttyq portaly.
Kýágerlerdiń áleýmettik jelilerde jarııalaǵan habarlamalary boıynsha, jarylys tolqyny jaqyn aýdandardyń turǵyndaryna da sezilgen, keı jerlerde tipti terezeler synǵan.
QTJ baspasóz qyzmetiniń málimetinshe, Astana stansasynyń suryptaý jolynda júk konteınerinde jarylys bolǵan.
«Aldyn ala aqparat boıynsha, konteınerde elektroqural-jabdyqtary (transformatorlar, generatorlar) bolǵan. Qurban bolǵandar men jaraqat alǵandar joq. Konteıner jeke kompanııaǵa tıesili. Quzyretti organdardyń qatysýymen tergeý bastaldy», - dep habarlady baspasóz qyzmeti.
Astana qalalyq TJD baspasóz qyzmeti oqıǵa ornyna tez arada qutqarýshylar jetkenin aıtty. Oqıǵa nátıjesinde bir adam qolynan jeńil jaraqat alǵan. Jedel medıınalyq kómek brıgadasy oqıǵa ornynda kómek kórsetti, aýrýhanaǵa jatqyzý qajet bolmady. Oqıǵanyń sebepteri men jaǵdaılary anyqtalyp jatyr.
