Bügın, 24 mausym mäjılıs kuluarynda jurnalisterdıŋ sūraǧyna jauap berıp tūryp, jönsız aitylǧan sözı üşın Auyl şaruaşylyǧy ministrı Aidarbek Saparov syn astynda qaldy, dep habarlaidy “Adyrna” ūlttyq portaly QazTAG-qa sıltep.
Jurnalister ministrden şegırtkenıŋ biyl egın dalasyna keltırgen şyǧyny jönınde sūraǧan. Kiıkten kelgen şyǧyndy eseptep bıtpei jatqan uaqytta şegırtkeden keletın şyǧyndy qalai esepteisızder? Saual osylai qoiyldy.
“Kiıkter men şegırtkelerdı salystyrmai-aq qoiaiyqşy. Ekeuı ekı basqa. Şegırtkeden älı şyǧyn kelgen joq. Eger şyǧyn kelse... Allo... Rūqsat pa? – dedı ministr.
Osy kezde jurnalisterdıŋ bırı «nelıkten sız özıŋızdı būlai ūstaisyz?» dep eskertu jasady.
“Joq, joq, men öz adamdaryma aityp jatyrmyn ǧoi. Sızge emes”, - dep aqtaldy ministr.
Jurnalist «özıŋızdıŋ qyzmetkerlerıŋızge aitylsa da, būl dūrys pa?» dep eskertu jasaǧan. «Keşırıŋız» dedı ministr.
“Şegırtke byltyr 1,5 mln ga jerge taralsa, byltyr preparatty uaqytynda almaǧannyŋ saldarynan biyl 2,5 mln ga aumaqqa köbeiıp kettı. Küzde zertteu jūmystaryn jürgızgen kezde 2,5 mln ge jerge preparat kerektıgın tüsındık. Bıraq bekıtılgen biudjette 4,2 mlrd teŋge ǧana aqşa boldy. Osy mäselede premer-ministr bızdı qoldap, taǧy 3,9 mlrd teŋge berdı. Sondyqtan, qarajat pen preparat jetkılıktı”, – dedı Saparov.
Sondai-aq, ol qazır şegırtkemen küreske 427 tehnika, 36 ūşaq, 36 deltaplan jūmyldyrylǧanyn aitty.
Ūqsas jaŋalyqtar
