Nūrlan Mūratov ExxonMobil kompaniiasynyŋ Qazaqstan boiynşa basqaruşy direktorynyŋ orynbasary - Teŋız jobasyndaǧy ExxonMobil ülesın basqaru jönındegı menedjer bolyp taǧaiyndaldy. Būl turaly bügın, 10 aqpanda Petrocouncil jazdy, dep habarlaidy «Adyrna» tılşısı.
Otandasymyz Ostindegı Tehas universitetın 1997 jyly aiaqtap, geologiia bakalavry därejesın alyp şyqqan. Keiın däl osy oqu ornynda bılımın jalǧastyryp, energetika jäne tabiǧi resurstardy basqaru magistrı atanǧan.
Nūrlan Mūratov ExxonMobil kompaniiasyndaǧy eŋbek jolyn AQŞ-tyŋ Hiuston qalasynda geolog retınde bastaǧan. Ol 2002 jyldan 2012 jylǧa deiın geolog, aǧa geolog, tehnikalyq top jetekşısı jäne AQŞ pen Ūlybritaniiada geologiia boiynşa keŋesşı bolyp jūmys ıstegen.
2014 jyldan 2019 jylǧa deiın ExxonMobil kompaniiasynan NCOC-qa Geologiia bölımınıŋ basşysy retınde jıberılgen. Al 2019 jyldan 2021 jylǧa deiın ExxonMobil kompaniiasynan «QazMūnaiGaz» ŪK» AQ-ǧa Üzdıksız jetıldıru keŋsesınıŋ direktory retınde taǧyndalǧan.
2021 jyldan 2025 jylǧa deiın «KTK» AQ-da ExxonMobil ülesın basqaru jönındegı menedjer boldy.
Aita keteiık, «Exxon Mobil Corporation» - älemdegı eŋ ırı mūnai kompaniialarynyŋ bırı. Ştab-päterı İrving qalasynda ornalasqan. Qazaqstandaǧy qyzmetı 1993 jyly bastaldy.
