Reseı prezıdentiniń baspasóz hatshysy Dmıtrıı Peskov Vladımır Pýtın men AQSh prezıdenti Donald Tramptyń telefon arqyly sóıleskeni týraly aqparatqa qatysty naqty jaýap bermedi, dep habarlaıdy "Adyrna" ulttyq portaly Interfaks-ke silteme jasap.
"Vashıngtondaǵy ákimshilik óz jumysyn bastaǵaly túrli baılanystar ornap jatyr. Bul baılanystar ártúrli arnalar arqyly júzege asady. Sondyqtan osy baılanystardyń kóptigin eskersek, men jeke ózim keıbir jaıttardan habarsyz bolýym múmkin. Sol sebepti bul aqparatty ne rastaý, ne joqqa shyǵarý men úshin qıyn", – dedi ol.
Buǵan deıin The New York Post gazeti Tramptyń Reseı basshysymen Ýkraınadaǵy qaqtyǵysty retteý máselesi boıynsha telefon arqyly sóıleskenin habarlaǵan edi.
Bul áńgimeniń qashan bolǵany belgisiz. Eki prezıdenttiń neshe ret telefon arqyly sóıleskeni týraly suraqqa Tramp: «Men bul týraly úndemeı-aq qoıaıyn», – dep jaýap bergen.
Tramptyń aıtýynsha, Pýtın adamdardyń qaza tabýyn toqtatqysy keledi. Sondaı-aq, AQSh prezıdenti soǵysty aıaqtaýdyń naqty jospary bar ekenin málimdedi.
Kelesi aptada ótetin Mıýnhendegi qaýipsizdik konferenııasynda AQSh vıe-prezıdenti Djeı Dı Vans Ýkraına prezıdenti Vladımır Zelenskıımen kezdesedi.
Sonymen qatar, Tramp AQSh-tyń ýkraınalyq sırek kezdesetin metaldar men gazǵa qol jetkizýi úshin Zelenskıımen 500 mıllıon dollarlyq kelisim jasasqysy keletinin aıtty. Bul kelisim Ýkraınaǵa qaýipsizdik kepildikterin berý shartymen jasalýy múmkin.
