Jeli arqyly kópke tanymal ımam Nurlan Baıjigituly AQSh astanasy Vashıngtonda Aq úıdiń qaıyrymdylyq tańǵy asyna qatysty. Bul týraly óziniń áleýmettik jelidegi paraqshasynda bólisti, dep habarlaıdy “Adyrna” ulttyq portaly.
«Amerıka Qurama Shtattarynyń Vashıngtondaǵy qaıyrymdylyq tańǵy asqa kelip otyrmyn…myńdaǵan adam. Týra myna jerde AQSh prezıdenti sóıleıdi. Týra prezıdenttiń aldynda ımamdaryńyz otyr», – dedi Nurlan ımam.
Sondaı-aq, ol Tramptyń shara barysynda sóılegen sózi erekshe áser etkenin aıtty.
«Amerıka Qurama Shtattarynyń 45-shi jáne 47-shi prezıdenti Donald Tramp myrza qaıyrymdylyq sharada sóz sóıledi. «Qudaıym meni atqan adamǵa óltirtpeı, sizderdiń aldaryńyzǵa shyǵarýy, bul elim úshin syı ári meniń kóp dúnıeni jaqsy jaǵyna ózgertýime sebep» dep aıtty. Bul sózin Vashıngtonda tap meniń aldymda aıtqany maǵan úlken áser berdi. Otyrǵan ornym da týra aldyna túsken eken. Qasymda Armenııa, Kosovo, Ýkraına jáne t.b. memleket prezıdentteri otyrdy», – dep jazdy Nurlan Baıjigituly.
Aıta ketsek, dástúr boıynsha jyl saıyn aqpan aıynda Vashıngtonda kásipkerler, saıasatkerler jáne sheteldik qonaqtardyń qatysýymen qaıyrymdylyq as ótedi. Ony eń alǵash ret 1953 jyly AQSh-tyń 34-shi prezıdenti Dýaıt Eızenhaýer uıymdastyrǵan bolatyn.
