Bas prokýror Berik Asylov Májilis depýtaty Ermurat Bapıge "eski Qazaqstandaǵy" kleptokratııa týraly aqparat bergeni úshin alǵys bildirdi, dep habarlaıdy "Adyrna" tilshisi QazTag agenttigine siltep.
6 jeltoqsan kúni depýtat Bas prokýrorǵa "Eski Qazaqstannyń" sheneýnikteri el ekonomıkasyna qaıta aralasa bastaǵanyn aıtyp, shuǵyl áreket etýdi ótingen. Ermurat Bapı óz sózinde Talǵat Jumadildaev, Serikqalı Brekeshev, qazaqstandyq kásipker Tımýr Qulybaev sekildi birneshe tulǵalardyń atyn da ataǵan bolatyn
Asylov depýtat Ermurat Bapıdiń saýalyna jaýap bere otyryp, oǵan "kleptokrattar" týraly aqparaty úshin alǵys bildirdi.
"Osy múmkindikti paıdalana otyryp, jeke tulǵalar men kompanııalarǵa qatysty berilgen aqparat úshin rızashylyǵymyzdy bildiremiz. Ol beıindi vedomstvonyń qyzmetinde eskeriletin bolady. Osyǵan baılanysty Bas prokýratýra aktıvterin qaıtarý komıteti óz qyzmetin Zańda kózdelgen barlyq sharalar men tetikterdi iske asyra otyryp, ulttyq zańnama normalaryna sáıkes júzege asyrady. Komıssııanyń birneshe otyrysy ótkizildi, birqatar tulǵalar tizilimge engizildi, olarǵa habarlamalar joldandy jáne deklaraııa kútilýde. Komıtet aktıvterdiń ashylýyn kútpesten birinshi kúnnen bastap sýbektiler boıynsha málimetter jınaý boıynsha jumys júrgizedi", - dedi Bas prokýror.
Óz sózinde Asylov memleketke qansha aktıvtiń qaıtarylǵanyn da atap ótti.
"Mysaly, búgingi tańda Komıtet sarapshylarynyń zertteýinde sýbektiler men olardyń affılıırlengen tulǵalarynyń 250 myńǵa jýyq banktik tranzakııalary bar. Búgingi tańda memleketke T950 mlrd astam aktıvter qaıtaryldy", - dep tolyqtyrdy prokýror.
