Bas prokuror Berık Asylov Mäjılıs deputaty Ermūrat Bapige "eskı Qazaqstandaǧy" kleptokratiia turaly aqparat bergenı üşın alǧys bıldırdı, dep habarlaidy "Adyrna" tılşısı QazTag agenttıgıne sıltep.
6 jeltoqsan künı deputat Bas prokurorǧa "Eskı Qazaqstannyŋ" şeneunıkterı el ekonomikasyna qaita aralasa bastaǧanyn aityp, şūǧyl äreket etudı ötıngen. Ermūrat Bapi öz sözınde Talǧat Jūmadıldaev, Serıkqali Brekeşev, qazaqstandyq käsıpker Timur Qūlybaev sekıldı bırneşe tūlǧalardyŋ atyn da ataǧan bolatyn
Asylov deputat Ermūrat Bapidıŋ saualyna jauap bere otyryp, oǧan "kleptokrattar" turaly aqparaty üşın alǧys bıldırdı.
"Osy mümkındıktı paidalana otyryp, jeke tūlǧalar men kompaniialarǧa qatysty berılgen aqparat üşın rizaşylyǧymyzdy bıldıremız. Ol beiındı vedomstvonyŋ qyzmetınde eskerıletın bolady. Osyǧan bailanysty Bas prokuratura aktivterın qaitaru komitetı öz qyzmetın Zaŋda közdelgen barlyq şaralar men tetıkterdı ıske asyra otyryp, ūlttyq zaŋnama normalaryna säikes jüzege asyrady. Komissiianyŋ bırneşe otyrysy ötkızıldı, bırqatar tūlǧalar tızılımge engızıldı, olarǧa habarlamalar joldandy jäne deklarasiia kütılude. Komitet aktivterdıŋ aşyluyn kütpesten bırınşı künnen bastap subektıler boiynşa mälımetter jinau boiynşa jūmys jürgızedı", - dedı Bas prokuror.
Öz sözınde Asylov memleketke qanşa aktivtıŋ qaitarylǧanyn da atap öttı.
"Mysaly, bügıngı taŋda Komitet sarapşylarynyŋ zertteuınde subektıler men olardyŋ affiliirlengen tūlǧalarynyŋ 250 myŋǧa juyq banktık tranzaksiialary bar. Bügıngı taŋda memleketke T950 mlrd astam aktivter qaitaryldy", - dep tolyqtyrdy prokuror.
Ūqsas jaŋalyqtar
