Qoǧam qairatkerı Amalbek Tşanov qoǧamdyq talqylauda jürgen zaŋdardy şyǧarǧan ministrlerdı soqqynyŋ astyna alǧysy keletının mälımdedı. Būl turaly ol Sadaq Media You Tube arnasyna bergen sūhbatynda aitty, dep habarlaidy “Adyrna” ūlttyq portaly.
Amalbek Tşanov öz sözınde kölıktı 5 minut qyzdyratyn, saǧat 4-te qap-qaraŋǧy uaqytty belgılep bergen ministrlerdı ūrǧysy keletının aitty.
«Men qyzmette jürgende ärtürlı jaǧdailar boldy. Menıŋ bokspen ainalysqanymdy bärı bıledı. Äkımderdı ūrady eken degen äŋgıme şyǧyp ketken. Jūmysta qataldyq körsete bılıp, aitqan sözıŋe sai bolyp, tärtıptı özıŋnen bastau kerek. Qazır keibır ministrlerdı jaqsylap soqqym keledı. Kölıktı 5 minut qyzdyratyn, saǧat 4-te qap-qaraŋǧy uaqytty belgılep bergen ministrlerdı ūrǧym keledı. Bız 80-nen astyq, qyzmet ıstedık bıraz närsenı bıletın şyǧarmyz desek, bız bılmeitın dünieler köp eken. Jastar adamnyŋ ūǧymyna kırmeitın dünielerdı oilap tauyp jatyr. Zamanǧa laiyqty şyǧar», — deidı ol.
Sondai-aq, saiasatker sūhbat barysynda dındarlardy da synady.
«Dındarlar saǧan oqudyŋ, bılım aludyŋ qajetı joq dep jür. Qandai da bır dastarhan basynda otyrsaŋ, senı anau kütıp tūr, mynau kütıp tūr dep qorqyta beredı. Aitatyndary tek ǧana jūmaq. Jaqsy jürseŋ, jūmaqtyŋ qyzdary bar, şarap ışesıŋ deidı. Moldalardyŋ bärın bır kemege salyp, jūmaqqa jıberu kerek. Būl ne masqara endı? Eger dın taza bolsa, ruhymyzdy köteredı. Bızde muftilar boldy, solardyŋ ışındegı sauattysy, jaidarysy — Ratbek qajy. Ol kısınıŋ aldynda basymdy iemın. Qanşalyqty jūpyny ärı bılımdı adam. Sol kısını syidyrmadyq qoi bız. Işedı dedık, deputat kezınde qolyn syndyrdy. Odan keiıngı muftilardyŋ tūrǧan üiın körıŋızşı. Ondai tūrmys bızdıŋ tüsımızge kırmeidı. Müftilar baryp meşıt aşqanyna 5000-10 000 dollar alady. Ol Qūdaidyŋ üiın aşyp jatqan joq pa? Sonda olar Qūdaidan para alyp jatyr ma? Ne kütemız osydan keiın? Qandai dın?», — deidı Amalbek Tşanov.
