Qazaqstanda jańa Sý kodeksi ázirlenýde. Bul týraly Qasym-Jomart Toqaev Qazaqstan men Reseıdiń XIX Óńiraralyq yntymaqtastyq forýmynyń plenarlyq otyrysynda aıtty, dep habarlaıdy “Adyrna” ulttyq portaly.
«Biz sý sektoryn jańǵyrtýǵa kiristik. Jańadan 20 sý qoımasyn salyp, kem degende 15 sý qoımasyn rekonstrýkııalaý, sondaı-aq 3500 shaqyrymnan astam kanaldy jańǵyrtý jáne ıfrlandyrý josparlanyp otyr. Bul sharalar 2027 jylǵa qaraı qosymsha 2 tekshe kılometrge jýyq sýmen qamtamasyz etýge múmkindik beredi.
Qazaqstanda jańa Sý kodeksi ázirlenýde. Bul qujat sý resýrstarynyń tapshylyǵyn azaıtýǵa baǵyttalǵan. Reseımen birge Jaıyq, Ertis sekildi iri ózenderdiń basseıinderinde zertteý júrgizý jónindegi yntymaqtastyqty jandandyrý úshin Biryńǵaı jol kartasy júzege asyrylyp jatyr. Mundaı kúrdeli problemany sheshýge bir ǵana eldiń kúsh-jigeri jetpeıdi. Bul máseleni múddeler teńgerimin saqtap, birlese áreket etý arqyly sheshý qajet», - dedi Q.Toqaev.
