Qazaqstan OPEK + kelisimine adaldyǵyn rastap, osyǵan deıin ýáde bergen mindettemelerin tolyq oryndaıdy. Bul týraly Energetıka mınıstrligi aıtty, dep habarlaıdy, ”Adyrna” ulttyq portaly.
«Teńiz ken ornyn keńeıtý jónindegi jobanyń iske qosylýyna baılanysty bıyl óndiristiń ulǵaıýyna qaramastan, Qazaqstan OPEK+ kelisimi sheńberinde mindettemelerdi saqtaýdyń mańyzdylyǵyn rastaıdy jáne halyqaralyq quqyq sheńberinde áriptestermen kelissózder júrgizetin bolady», – dep jazylǵan vedomstvo saıtynda.
Oǵan sáıkes, Qazaqstan 2024 jylǵa artyq óndiristi óteýi kerek jáne 2025-2026 jyldary belgilengen shart aıasynda ǵana munaı óndirýi tıis.
Qazaqstan OPEK+ uıymyna múshe bolǵaly beri munaı óndirisin kelisetin bolǵan. Biraq sońǵy jyldary uıym sheńberindegi mindettemesin birneshe ret buzyp, kelisken kólemnen de artyq munaı óndirdi. Byltyr qańtar-qazan aılarynda qara altyndy 1,11 mln barrelge artyq shyǵardy.
