Qazaqstan OPEK + kelısımıne adaldyǧyn rastap, osyǧan deiın uäde bergen mındettemelerın tolyq oryndaidy. Būl turaly Energetika ministrlıgı aitty, dep habarlaidy, ”Adyrna” ūlttyq portaly.
«Teŋız ken ornyn keŋeitu jönındegı jobanyŋ ıske qosyluyna bailanysty biyl öndırıstıŋ ūlǧaiuyna qaramastan, Qazaqstan OPEK+ kelısımı şeŋberınde mındettemelerdı saqtaudyŋ maŋyzdylyǧyn rastaidy jäne halyqaralyq qūqyq şeŋberınde ärıptestermen kelıssözder jürgızetın bolady», – dep jazylǧan vedomstvo saitynda.
Oǧan säikes, Qazaqstan 2024 jylǧa artyq öndırıstı öteuı kerek jäne 2025-2026 jyldary belgılengen şart aiasynda ǧana mūnai öndıruı tiıs.
Qazaqstan OPEK+ ūiymyna müşe bolǧaly berı mūnai öndırısın kelısetın bolǧan. Bıraq soŋǧy jyldary ūiym şeŋberındegı mındettemesın bırneşe ret būzyp, kelısken kölemnen de artyq mūnai öndırdı. Byltyr qaŋtar-qazan ailarynda qara altyndy 1,11 mln barrelge artyq şyǧardy.
