Qaŋtar oqiǧasyna bailanysty 20 jylǧa sottalǧan qylmys älemınıŋ serkesı Arman Jūmageldiev («Dikii Arman») özıne qol jūmsamaq boldy, dep habarlaidy "Adyrna" ūlttyq portaly.
Būl turaly QR Işkı ıster ministrlıgınıŋ baspasöz qyzmetı habarlady.
Qylmystyq-atqaru jüiesı komitetınıŋ mälımetınşe, sottalǧan azamat özıne azdaǧan jaraqat keltırgen. Oǧan şūǧyl medisinalyq kömek körsetılıp, qazırgı taŋda densaulyq jaǧdaiy qanaǧattanarlyq dep baǧalanuda. Sonymen qatar, Jūmageldiev erekşe baqylauǧa alynǧan, onymen mekeme psihologtary jūmys jürgızude.
Osy oqiǧaǧa bailanysty qyzmettık tekseru taǧaiyndalǧan.
Eske sala ketsek, 2022 jyly qaŋtar oqiǧasy kezınde Almatyda Arman Jūmageldiev ūstalyp, oǧan bırneşe auyr qylmys boiynşa aiyp taǧylǧan bolatyn. QR Bas prokuraturasynyŋ mälımetınşe, «Dikii Arman» toby 24 beibıt tūrǧyndy ūrlap, zaŋsyz bas bostandyǧynan aiyrǧan.
2023 jyldyŋ qyrküiek aiynda Almaty maŋyndaǧy № 72 tüzeu mekemesınıŋ tergeu izoliatorynda oǧan jäne mäslihattyŋ eks-deputaty Qairat Qūdaibergenge qatysty sot prosesı bastaldy. Arman Jūmageldiev jetekşılık etken ūiymdasqan qylmystyq toptyŋ 15 müşesı ūstaldy.
2025 jyldyŋ 27 qaŋtarynda sot ükımı şyǧyp, «Dikii Arman» 20 jylǧa bas bostandyǧynan aiyryldy.
Ūqsas jaŋalyqtar
