Qazaqstan ulttyq quramasy bas bapkeriniń mindetin ýaqytsha atqarýshy bolyp otandyq maman Álı Álıev taǵaıyndaldy. Bul týraly ulttyq quramanyń baspasóz qyzmeti málimdedi, dep habarlaıdy “Adyrna” ulttyq portaly.
Álı Álıev Hanalıuly 1980 jylǵy 27 qazanda Almaty qalasynda dúnıege kelgen.
Fýtbolshy mansabynda «SKA-Qaırat», «Qaırat», «Ertis», «Tobyl», «Shyǵys», «Ordabasy» jáne «Qyzyljar» klýbtarynda oınady.
1999 jyly Qazaqstan jastar quramasy sapynda Nıgerııada ótken jastar arasyndaǵy álem chempıonatyna qatysty. Ulttyq qurama sapynda alǵashqy matchyn 2002 jyly Estonııaǵa qarsy ótkizdi.
Bapkerlik mansabyn 2014 jyly «Ordabasy» sapynda oıynshy ári bapker retinde bastady. 2018 jyly fýtbolshy mansabyn aıaqtaǵan soń Petropavldyń «Qyzyljar» klýbynyń tizginin ustap, Premer-lıgaǵa shyǵardy.
2021 jyly Álıev Qaraǵandynyń «Shahter» klýbynda bas bapker bolyp jumys istep, keıin «Astana» FK jastar komandasyn basqardy.
2022 jyly «Jeńis» komandasyn jattyqtyryp, sodan keıin qaıtadan «Qyzyljarǵa» oraldy.
