Qazaqstandyq kompaniialar EO-nyŋ 16-şy sanksiialar paketıne enuı mümkın. Būl turaly Europalyq Odaqtyŋ sanksiialar jönındegı arnaiy ökılı Devid O'Sallivan aitty, dep habarlaidy “Adyrna” ūlttyq portaly.
«Qazır bız jaŋa 16-şy sanksiialyq pakettı daiyndau üstındemız. Qazaqstandyq kompaniialar da tızımge engızıluı mümkın, bıraq şeşım älı qabyldanǧan joq. Sondyqtan da, būl tızımge tek sanksiialardy būzuǧa qatysy bar ekenın däleldeitın aiǧaqtar bar kompaniialar ǧana engızıletının taǧy bır ret atap ötkım keledı», – dedı EO-nyŋ sanksiialar jönındegı arnaiy elşısı Devid O'Sallivan.
Sonymen bırge, O'Sallivan jalpy EO sanksiialardy saqtau boiynşa Qazaqstanmen qarym-qatynasta baiqalǧan qarqyn men dinamikaǧa qanaǧattanatynyn aitty. Ol sondai-aq EO Qazaqstannyŋ sanksiialarǧa qosylmau ūstanymyn tolyǧymen qūrmetteitının atap öttı.
«Bız Qazaqstandy sanksiialardy qabyldauǧa mäjbürlemeimız Bızdıŋ Qazaqstan men Reseidıŋ zaŋdy sauda qatynastaryn būzuǧa nietımız joq. Bıraq bızdı alaŋdatatyny – keibır zaŋsyz biznes ökılderı Qazaqstandy sanksiialardy ainalyp ötetın alaŋ retınde paidalanyp, keiın osy önımder Resei qarulary üşın qoldanylatyn EO-da öndırılgen joǧary tehnologiialyq tauarlardy qaita satu mümkındıgın köre alady. Iаǧni, bız sanksiialyq tızımge engen tauarlar men önımder turaly aityp otyrmyz», – dep tüsındırdı EO-nyŋ sanksiialar jönındegı arnaiy elşısı.
