Qazaqstandyq kompanııalar EO-nyń 16-shy sankııalar paketine enýi múmkin. Bul týraly Eýropalyq Odaqtyń sankııalar jónindegi arnaıy ókili Devıd O'Sallıvan aıtty, dep habarlaıdy “Adyrna” ulttyq portaly.
«Qazir biz jańa 16-shy sankııalyq paketti daıyndaý ústindemiz. Qazaqstandyq kompanııalar da tizimge engizilýi múmkin, biraq sheshim áli qabyldanǵan joq. Sondyqtan da, bul tizimge tek sankııalardy buzýǵa qatysy bar ekenin dáleldeıtin aıǵaqtar bar kompanııalar ǵana engiziletinin taǵy bir ret atap ótkim keledi», – dedi EO-nyń sankııalar jónindegi arnaıy elshisi Devıd O'Sallıvan.
Sonymen birge, O'Sallıvan jalpy EO sankııalardy saqtaý boıynsha Qazaqstanmen qarym-qatynasta baıqalǵan qarqyn men dınamıkaǵa qanaǵattanatynyn aıtty. Ol sondaı-aq EO Qazaqstannyń sankııalarǵa qosylmaý ustanymyn tolyǵymen qurmetteıtinin atap ótti.
«Biz Qazaqstandy sankııalardy qabyldaýǵa májbúrlemeımiz Bizdiń Qazaqstan men Reseıdiń zańdy saýda qatynastaryn buzýǵa nıetimiz joq. Biraq bizdi alańdatatyny – keıbir zańsyz bıznes ókilderi Qazaqstandy sankııalardy aınalyp ótetin alań retinde paıdalanyp, keıin osy ónimder Reseı qarýlary úshin qoldanylatyn EO-da óndirilgen joǵary tehnologııalyq taýarlardy qaıta satý múmkindigin kóre alady. Iaǵnı, biz sankııalyq tizimge engen taýarlar men ónimder týraly aıtyp otyrmyz», – dep túsindirdi EO-nyń sankııalar jónindegi arnaıy elshisi.
