Vashıngtonda apatqa ushyraǵan ushaq bortynda mánerlep syrǵanaýdan juptyq álem chempıondary Evgenııa Shıshkova men Reseı quramasynyń múshesi Vadım Naýmov bolǵan, dep habarlaıdy "Adyrna" ulttyq portaly.
52 jastaǵy Shıshkova men 55 jastaǵy Naýmov – 1994 jylǵy álem chempıonatynyń jeńimpazdary, sondaı-aq álem chempıonatynyń kúmis jáne qola júldegerleri. Olar Eýropa chempıonatynda bir kúmis jáne tórt qola medal jeńip alǵan. 1995/96 maýsymynda Halyqaralyq konkıshiler odaǵynyń Gran-prı fınalynda top jarǵan. Mansaptaryn aıaqtaǵannan keıin jup jattyqtyrýshylyqqa bet buryp, 1998 jyldan beri AQSh-ta turǵan.
Ushaq Vıchıta qalasynan Vashıngtonǵa baǵyt alǵan. Qonýǵa jaqyndap kele jatqanda, ol áskerı tikushaqpen soqtyǵysyp, ózenge qulaǵan. Qaıǵyly oqıǵa mán-jaıyn anyqtaý úshin tergeý júrgizilýde.
