Bügın, 30 qaŋtar, körnektı aqyn, jurnalist Keŋşılık Myrzabekovtıŋ ömırden ötkenıne 36 jyl toldy.
Keŋşılık Aǧytaiūly Myrzabekov 1946 jyly Qostanai oblysy, Jangeldı audany, Jänıbek Tarhan auylynda düniege kelgen. Ol QazMU-dyŋ jurnalistika fakultetın tämamdap, ūzaq jyldar boiy respublikalyq basylymdarda qyzmet ettı. Onyŋ “Iŋkär dünie” (1972), “Säruar” (1980), “Qasiettı qas-qaǧym” (1985), “Däuır – dastan” (1988) syndy jyr jinaqtary oqyrman jüregınen oryn aldy. Aqyn poeziiasynda tuǧan jerge degen süiıspenşılık, ömırge ıŋkärlık, tereŋ filosofiialyq oilar men azamattyq közqaras erekşe körınıs tapty.
Bügınde aqynnyŋ mūrasyn jalǧap, şyǧarmaşylyǧyn nasihattap jürgen ūly Amangeldı Keŋşılıkūly äkesıne degen saǧynyşyn Facebook paraqşasynda jetkızdı.
“Äke! Ekeumızdıŋ de jerde jürgenımız künı keşe ǧana edı ǧoi. Jalǧan dünie-ai! Senıŋ būl beimaza tırşılıkpen mäŋgı qoş aitysyp ketkenıŋe jyl artynan jyl ötse de, sen men üşın älı tırısıŋ…” - dep jazba jariialady.Keŋşılık Myrzabekov aqyndyq jolynda tek öz şyǧarmalarymen şektelmei, Evgenii Evtuşenkonyŋ “Menıŋ şeşem jäne neitron bombasy” jäne “Fuku” atty poemalaryn qazaq tılıne audarǧan. Sonymen qatar, onyŋ publisistikalyq eŋbekterı men ädebietke arnalǧan zertteulerı de joǧary baǧalandy. 2006 jyly Almaty qalasyndaǧy köşelerdıŋ bırıne Keŋşılık Myrzabekovtıŋ esımı berıldı. Būl – onyŋ şyǧarmaşylyǧy men qazaq ädebietıne qosqan ülesınıŋ moiyndaluynyŋ bır körınısı.
Ūqsas jaŋalyqtar
