Reseıdiń Il-76 áskerı-kólik ushaǵy Dýshanbedegi Gıssar aerodromynan ushyp shyqqan kezde órtendi, dep habarlaıdy "Adyrna" tilshisi Moscowtimes aqparat agenttigine silteme jasap.
Derekkóz boıynsha, ushaq jyldamdyq ala bastaǵan kezde dóńgelegi jarylyp, odan keıin birden órt shyqqan. Ekıpaj músheleri borttan ýaqytynda shyǵyp, eshqaısysy zardap shekken joq.
Qazirgi ýaqytta ushaq bortynda jolaýshylar bar-joǵy naqtylanýda. Aqparat kózderiniń habarlaýynsha, bortta 8 adam bolǵan.
Ushqyshtar ushý kezinde qozǵaltqyshtardyń birinde temperatýranyń joǵarylaǵanyn baıqaǵan. Kóterilý kezinde órt boldy, oǵan ekıpaj birden janarmaı tastaý, burylý jáne apattyq qoný týraly sheshim qabyldady. Áýe kemesi ushý-qoný jolaǵynan shyǵyp, tolyǵymen órtenip ketti.
