Qaraǵandy oblysynyń Saran qalasynda er adam qamaýǵa alyndy, dep habarlaıdy "Adyrna" ulttyq portaly.
Ol dúken satýshysyn pyshaqtap óltirdi degen kúdikkke ilingen.
Oqıǵa 22 qańtar kúni bolǵan. Saran qalasynda belgisiz bireý azyq-túlik dúkeniniń satýshysyna pyshaqpen shabýyl jasaǵan. Áıel alǵan jaraqattarynan oqıǵa ornynda kóz jumdy.
"Saran qalasynyń 27 jastaǵy turǵynyn óltirý faktisi boıynsha júrgizilgen jedel is-sharalardyń nátıjesinde kúdikti ustaldy. 50 jastaǵy er adamdy ýaqytsha ustaý ızolıatoryna qamaldy. Tergeý jalǵasýda", – delingen Qaraǵandy oblystyq polıııa departamentiniń málimdemesinde
Polıııanyń málimetinshe, er adam dúkendi tonamaq bolǵan.
"Kúdiktiniń aýyr qylmys jasaýyna aqsha túrtki bolǵany anyqtaldy. Er adam kúsh qoldanyp, pyshaqpen qorqytyp, dúkenniń kassasyn tartyp almaq bolǵan. Alaıda satýshy qarsylyq tanytyp, sol kezde pyshaq jaraqatyn alǵan. Qylmys qarýy – pyshaq tárkilendi", – delingen habarlamada.
