Bügın, 21 qaŋtarda «Qazaqmys»kompaniialar tobynyŋ Jezqazǧandaǧy «Annensk» şahtasynda 39 jastaǧy jūmysşy qaza tapty. Qaiǧyly oqiǧa turaly kompaniianyŋ baspasöz qyzmetı jariialady, dep habarlaidy “Adyrna” ūlttyq portaly.
«Öndırıstegı jazataiym oqiǧa saldarynan 1985 jyly tuǧan 5-razriadty ūntaqtauşy qaza tapty», – delıngen kompaniia habarlamasynda.
Käsıporyn mälımetınşe, ıstı tergeu üşın arnaiy komissiia qūrylǧan. Kompaniia marqūmnyŋ ūjymdyq şartta körsetılgen barlyq kömektı körsetıp, jerleu şyǧyndaryn öteidı.
Aita keteiık, «Qazaqmys» – qūramynda on kenış, bes tau-ken baiytu fabrikasy, mys zauyttary bar Qazaqstandaǧy ken öndıretın ırı korporasiia. Korporasiianyŋ Qaraǧandy, Balqaş jäne Jezqazǧanda öndırıs alaŋdary bar. Negızgı aksionerlerı Qazaqstandaǧy bai käsıpkerler – Eduard Ogaiǧa men Vladimir Kim. «Kazakhmys Copper» AQ arqyly Kim «Qazaqmystyŋ» 69,37%-na, al Ogai 29,73% ülesıne ielık etedı.
Ūqsas jaŋalyqtar
