Almatyda 8, 10 jäne 12 jasqa deiıngı balalar arasynda şahmattan älem chempionaty – FIDE World Cadet Chess Championships 2025 märesıne jettı. Jarys qorytyndysy boiynşa qazaqstandyq jas şahmatşylar 3 altyn medal jeŋıp aldy, dep habarlaidy «Adyrna» tılşısı.
Atap aitsaq, Alişa Bisalieva (G8, 8 jas), Ädinūr Ädılbek (O8, 8 jas) jäne Danis Quandyqūly (O12, 12 jas) top jardy.
«Qazaqstan qūramasy komandalyq esepte de üzdık boldy. Alişa men Ädinūr soŋǧy turda teŋ nätijemen altyn ielendı. Al Danis (ÄCh-2023 chempiony) tarihi jetıstıgın qaitalap, ekı dürkın Älem chempiony atandy», - delıngen Turizm jəne sport ministrlıgınıŋ habarlamasynda.
Aita keteiık, chempionatqa 88 elden 842 jas şahmatşy, onyŋ ışınde Qazaqstannyŋ barlyq öŋırınen 229 oiynşy qatysty. Qazaqstan qūramasy komandalyq esepte üzdık boldy. Ekınşı orynǧa ūpai sany boiynşa Qytai (1 altyn, 1 kümıs, 1 qola), al üşınşı orynǧa AQŞ qūramasy (1 altyn, 1 kümıs, 1 qola) jaiǧasty.
