17 qańtarda Mońǵolııa úkimeti men franýzdyq «Orano Maınıng» kompanııasy birlesip ýran óndirý kelisimine qol qoıdy. Bul týraly Mońǵolııa úkimetiniń baspasóz qyzmeti jazdy, dep habarlaıdy «Adyrna» tilshisi.
Joba aıasynda 68,9 myń tonna ýran óndirý josparlanyp otyr. Kelissóz barysynda franýz tarapy jalpy somasy 1,6 mlrd dollar ınvestıııa salýǵa nıetti ekenin jetkizdi.
Mońǵolııa premer-mınıstri Oıýýn-Erden bul qujat eldiń «úshinshi kórshisimen» jasalǵan ekinshi iri ınvestıııalyq kelisimshart ekenin atap ótti.
«Bul shartty jasasý qoǵam men ekonomıkaǵa ǵana emes, sheteldik ınvestıııalardyń, memlekettik jáne óńirlik bıýdjetterdiń kólemin ulǵaıtýǵa, kóptegen jumys ornyn qurýǵa, jańa tehnologııalardy engizýge jáne halyqaralyq yntymaqtastyqty keńeıtýge tikeleı áser etedi»,—dedi ol.
Aıta keteıik, Mońǵolııa jobadan shamamen 5 mlrd dollar tabady dep kútilýde. 44 mıllıon dollar jergilikti turǵyndardy, bilim berý, densaýlyq saqtaý jáne áleýmettik damýdy qoldaýǵa arnalǵan jergilikti damý qoryna tikeleı aýdarylmaq.
