Qazaqstandyq seısmologtar Almatydan 364 shaqyrym qashyqtyqta jer silkinisin tirkedi, dep habarlaıdy "Adyrna" ulttyq portaly.
Tótenshe jaǵdaılar mınıstrliginiń málimetinshe, "NNSNI" JShS seısmıkalyq stanııalar jelisi 19 qańtarda Astana ýaqyty boıynsha saǵat 11:30-da jer silkinisin tirkegen.
"Jer silkinisiniń epıentri Qytaı aýmaǵynda, Almatydan ońtústik-shyǵysqa qaraı 364 shaqyrym jerde ornalasqan", - delingen habarlamada. Qazaqstan aýmaǵynda jer silkinisi sezilmegen.
Qazaqstan Ulttyq derekter ortalyǵynyń habarlaýynsha, jer asty dúmpýleriniń magnıtýdasy 4,4 bolǵan.
Eske sala keteıik, 17 qańtar kúni Almatydan soltústik-shyǵysqa qaraı 220 shaqyrym jerde jer silkinisi tirkelgen edi. Seısmıkalyq stanııalar jelisi jer silkinisi Jetisý oblysy, Panfılov aýdany, Jarkent qalasynda 2 ball, Almaty oblysy, Uıǵyr aýdany, Shonjy aýylynda 2 ball bolyp sezilgenin habarlady.
