Алматыдан 220 шақырым жерде жер сілкінісі тіркелді, деп хабарлайды "Адырна" ұлттық порталы.
Төтенше жағдайлар министрлігі сағат 22:08-де жер сілкінісін тіркеді. Жер сілкінісінің ошағы Қазақстан аумағында, Алматыдан солтүстік-шығысқа қарай 220 шақырым жерде орналасқан.
Сейсмикалық станциялар желісі жер сілкінісі Жетісу облысы, Панфилов ауданы, Жаркент қаласында 2 балл, Алматы облысы, Ұйғыр ауданы, Шонжы ауылында 2 балл болып сезілгенін хабарлады.
Зардап шеккендер мен қираулар туралы ақпарат түскен жоқ.
