Qazaqstan komandasynyń frıstaıl-mogýl sheberi Anastasııa Gorodko Italııanyń Týrın qalasynda ótip jatqan Ýnıversıadada altyn medal jeńip aldy, dep habarlaıdy "Adyrna" ulttyq portaly.
Fınalda qazaqstandyq sportshy 79.79 upaı jınap, birinshi oryndy ıelendi. Ekinshi oryndy japondyq Harýka Nakao (76.29 upaı), al úshinshi oryndy nemis sportshysy Hanna Vess (75.04 upaı) jeńip aldy.
Qazaqstannyń taǵy bir ókili Aıaýlym Ámrenova 70.52 upaımen besinshi nátıje kórsetti.
19 jastaǵy Gorodko Qazaqstanǵa 2025 jylǵy Ýnıversıadanyń alǵashqy altyn medalin syılady.
Anastasııa Gorodko – úsh dúrkin álem chempıony. 2022 jyly ol parallel mogýlda altyn medal jeńip alsa, 2024 jyly mogýlda birinshi orynǵa ıe boldy. Bıyl Almatyda ótken jasóspirimder arasyndaǵy álem chempıonatynda parallel mogýlda altyn medal enshilegen.
Eske sala keteıik, 2025 jyldyń 13-23 qańtar aralyǵynda Italııanyń Týrın qalasynda joǵary oqý oryndarynyń stýdentteri arasynda HHHII Dúnıejúzilik qysqy Ýnıversıada ótedi.
Bul jarysqa álemniń 57 elinen 2000-ǵa jýyq sportshy qatysyp, sporttyń 11 túrinen 90 medal jıyntyǵy sarapqa salynady.
Qazaqstan quramasy 10 sport túrinen (bıatlon, shańǵy jarysy, qysqy sporttyq baǵdarlaý, frıstaıl, mánerlep syrǵanaý, shaıbaly hokkeı (erler, áıelder), parashańǵy jarysy, taý shańǵysy jarysy, short-trek) 103 sportshymen el namysyn qorǵaıdy.
