Qazaqstan jasöspırımder arasyndaǧy fristaildan älem chempionatynda tarihi nätijege qol jetkızdı, dep habarlaidy "Adyrna" ūlttyq portaly Turizm jäne sport ministrlıgıne sılteme jasap.
Fristaildan jasöspırımder arasyndaǧy älem chempionatynda Qazaqstan ekınşı oryn aldy.
"Jalpykomandalyq esepte mogul men akrobatikadan Qazaqstan qūramasy 2 altyn, 2 kümıs jülde ielenıp, Qytaidan (2 altyn, 3 kümıs, 2 qola) keiın 2-oryn aldy. Üzdık üştıktı Japoniia (2 altyn, 1 qola) sportşylary tüiındedı", - dep jazylǧan habarlamada.
Fristail-moguldan ūlttyq qūrama barlyq jarys künı jüldege qol jetkızdı. Atap aitqanda, älem bırınşılıgınıŋ alǧaşqy künınde Anastasiia Gorodko jekelei synda 2-oryn alsa, erteŋıne parallel mogulda altynnan alqa taqty.
Al aralas komandalyq saiysta byltyr IV qysqy jasöspırımder Olimpiadasyna qatysqan Iýliia Fiklistova men Denis Rastruba jūby kümıs jüldeger atandy.
Fristail-akrobatikadan jekelei synda erler arasynda Dınmūhammed Raiymqūl kürdelı baǧdarlamany sättı oryndap, chempion atandy. Ol 104.52 ūpaimen ekı qytailyq sportşyny (Iých Iýnhen, Iаn Chjichen) basyp ozdy. Mūnda äielder arasynda barlyq jüldenı Qytai akrobattary ielendı.
Eske sala keteiık, fristail-mogul jäne fristail-akrobatikadan jasöspırımder arasyndaǧy älem chempionaty 2025 jylǧy 7-11 qaŋtar aralyǧynda Almaty qalasyndaǧy «Şymbūlaq» tau-şaŋǧy kurortynda öttı. Būl jarysqa 13 elden kelgen 110 sportşy qatysty.
Ūqsas jaŋalyqtar
