1918 jyly 5 mamyr kúni Búkilqazaq jastarynyń sezinde «Jas azamat» jastar uıymy quryldy, dep habarlaıdy "Adyrna" ulttyq portaly.
106 jyl buryn qurylǵan «Jas azamat» uıymynyń maqsaty – qazaq jastaryn biriktirý, ulttyq múddeni qorǵaý bolatyn.
«Jas azamat» - Alash avtonomııasyn qoldaǵan, Keńes úkimetin ornatýǵa qarsy kúresýge úgittegen uıym. 1918 jyly 5–13 mamyr aralyǵynda Omby qalasynda ótken jalpyqazaq jastarynyń sezinde barlyq qazaq jastary birikken.
Uıymnyń basqarmasy da osy sezde saılandy. Tóraǵalyqqa – M.Myrzauly, basqarma músheligine – S.Sadýaqasov, M.Seıitov, G.Dosymbekova, Á.Baıdildın bekitildi.
Al uıymnyń organy – “Jas azamat” gazetiniń jaýapty shyǵarýshysy bolyp Q.Kemeńgerov taǵaıyndalǵan bolatyn. Al "Jas azamat" gazeti Petropavlda jarııalanyp turǵan alashshyl qazaq jastarynyń tuńǵysh gazeti. 1918 jyly 30 shildede 1-sany shyqqan. Bizge belgili 22-nómiri 1919 jyly 8 aqpanda jaryq kórgen.
