Túrkııa Sırııadaǵy kúrd sodyrlaryna qarsy áskerı operaııaǵa daıyndalýda. Bul týraly Túrkııanyń syrtqy ister mınıstri Hakan Fıdan málimdedi, dep habarlaıdy "Adyrna" ulttyq portaly Hürriyet basylymyna silteme jasap.
Túrkııanyń syrtqy ister mınıstriniń aıtýynsha, Sırııa úkimetimen birlese otyryp, Kúrdistan jumysshy partııasynyń (KJP) sodyrlary talaptardy oryndamaǵan jaǵdaıda aýqymdy áskerı operaııa sózsiz júzege asady.
Talaptardyń qataryna qarý – jaraqty tapsyrý, Sırııany basqarýǵa aralasýdy toqtatý, sondaı-aq, aımaqtaǵy jaǵdaıdy turaqsyzdandyrýǵa yqpal etýi múmkin batys elderiniń qoldaýynan bas tartý jatady.
Mınıstrdiń pikirinshe, batys elderi aımaqtaǵy jaǵdaıdy turaqsyzdandyrýǵa yqpal etip otyr.
Túrik tarapy operaııanyń basty maqsaty – Sırııanyń shekaralas aımaqtarynda belsendi áreket etetin KJP tarapynan tónetin qaýip-qaterdi joıý ekenin atap ótti. Sonymen qatar, Ankara buǵan deıin aımaqty turaqtandyrýǵa baǵyttalǵan áreketter KJP-nyń ári qaraı ómir súrýine jaǵdaı jasamaýy kerek dep sanaıdy.
Hakan Fıdan sondaı-aq sodyrlarǵa ýltımatým berilgenin habarlady. Ýltımatým sharttaryna sáıkes, olar Sırııa aýmaǵynan ketýi tıis. Al qalǵandaryna qarýyn tastap, jańa sırııalyq memlekettik qurylymmen yntymaqtasý usynylady.
Ankara men Damaskanyń birlesken operaııasyn bastaýǵa qandaı batys elderiniń áreketteri «sebep bolýy» múmkin ekeni ázirge belgisiz. Alaıda sarapshylar Túrkııa men Sırııanyń osy máseledegi yntymaqtastyǵy Taıaý Shyǵystaǵy geosaıası jaǵdaıdy ózgertetin mańyzdy faktorǵa aınalýy múmkin ekenin aıtýda.
