Qazaqstandyq tanymal tennisşı Zarina Diias käsıbi mansabyn aiaqtady. Būl turaly sportşy özınıŋ Instagram äleumettık jelısındegı paraqşasynda jazyp, bala kezınen älemdık arenada öner körsetudı armandaǧanyn atap öttı, dep habarlaidy "Adyrna".
Onyŋ aituynşa, tennis oǧan tek sport qana emes, ömırlık ülken täjıribe men ūmytylmas sätter syilaǧan.
Zarina Diias halyqaralyq jarystarda Qazaqstannyŋ namysyn abyroimen qorǧap, joǧary nätijelerge qol jetkızdı. Ol 2014 jäne 2015 jyldary Uimbldon turnirı aiasynda törtınşı ainalymǧa deiın jetıp, özınıŋ myqty oiynşy ekenın däleldedı. Sonymen qatar, Japoniiada ötken WTA 250 sanatyndaǧy turnirde chempion atanyp, mansabyndaǧy maŋyzdy jetıstıkterdıŋ bırıne qol jetkızdı.
Tennisşı WTA reitingınde 31-orynǧa deiın köterılıp, älemnıŋ üzdık oiynşylarynyŋ qataryna endı. Ol sondai-aq halyqaralyq dodalarda, onyŋ ışınde Olimpiada oiyndarynda Qazaqstan qūramasy sapynda öner körsettı.
Mansabyn qorytyndylai kele, Zarina Diias öz otbasyna, äsırese anasy men apasyna, sondai-aq bapkerlerı men demeuşılerıne, Qazaqstan tennis federasiiasy ūjymyna alǧysyn bıldırdı.
Osylaişa, otandyq tennistıŋ jarqyn ökılderınıŋ bırı sporttaǧy käsıbi jolyn aiaqtap, janküierlerınıŋ esınde jarqyn jetıstıkterımen qaldy.
