Memleket basşysy Qasym-Jomart Toqaev Qazaqstan äielderın 8 nauryz – Halyqaralyq äielder künımen qūttyqtady. Būl turaly Aqorda jariialady, dep habarlaidy “Adyrna” ūlttyq portaly.
“Qymbatty hanymdar! Barşaŋyzdy Halyqaralyq äielder künımen şyn jürekten qūttyqtaimyn! Sızder älemge jylulyq pen jarasym syilap, jaqyn jandaryŋyzdy mahabbatqa böleisızder. Aiauly analarymyz öskeleŋ ūrpaqtyŋ boiyna adamgerşılık qūndylyqtardy sıŋırıp, olardy eŋbekqor, bılımpaz boluǧa tärbieleidı. Bügınde äielder qauymynyŋ otbasyndaǧy, qoǧam ömırındegı jäne memlekettı jan-jaqty damytu ısındegı rölı orasan zor. Qyz-kelınşekter öndırıste, şyǧarmaşylyq jolynda, saiasat, biznes jäne basqa da köptegen salada biık belesterdı baǧyndyryp keledı. Memleket genderlık teŋdıktı saqtauǧa, äielder qūqyǧyn qorǧauǧa jäne otbasy qūndylyqtaryn nyǧaituǧa ärdaiym basa män beredı. Analarymyz ben arularymyzdyŋ alaŋsyz ömırı – ūltymyzdyŋ jarqyn bolaşaǧynyŋ kepılı. Sızderge zor densaulyq, baq-bereke tıleimın! Ärdaiym köktem künındei jadyrap jürıŋızder!” – delıngen Prezident qūttyqtauynda.
Sondai-aq, Prezident äielder qauymyn 8 nauryz merekesımen qūttyqtap, ūltymyzdyŋ dünietanymynda äieldıŋ orny erekşe ekenın atap öttı. Sondai-aq Memleket basşysy sūlulyq pen näzıktık, meiırım men şapaǧat – bärı de äielderden bastau alatynyn jetkızdı.
«Şyn mänınde, ärbır adam üşın anadan ūly, anadan qymbat eşkım joq. Eŋ qasterlı qūndylyqtarymyz «Jer-ana», «Otan-ana» ūǧymdarymen tyǧyz bailanysty. «Ata ūldy, ana ūltty tärbieleidı» deidı. Būl sözdıŋ airyqşa män-maŋyzy bar. Ūlt bolaşaǧy ūrpaq tärbiesınen bastalady. Är balanyŋ jetıstıgı – ana mahabbatynyŋ jemısı. Ūly Abai aitqan «Tolyq adamǧa» tän asyl qasietter ūrpaqtyŋ boiyna ana arqyly daridy», – dedı Prezident.
Ūqsas jaŋalyqtar
