Ukraina prezidentı Vladimir Zelenskii 27 jeltoqsan künı keşke jasaǧan videoündeuınde Reseidıŋ Ukrainaǧa qarsy soǧysynda bırneşe soltüstıkkoreialyq sarbazdy tūtqyndaǧandaryn mälımdedı, dep habarlaidy "Adyrna" ūlttyq portaly DW-ge sılteme jasap.
"Bügın Soltüstık Koreianyŋ bırneşe sarbazy turaly habarlamalar boldy. Bızdıŋ äskeri qyzmetkerlerımız olardy tūtqyndady. Bıraq olar auyr jaralanǧandyqtan, ömırlerın saqtap qalu mümkın bolmady", – dedı Zelenskii.
Prezidenttıŋ aituynşa, Kursk oblysynda Resei tarapynan qoldanylyp jatqan soltüstıkkoreialyq sarbazdardyŋ arasynda ülken şyǧyn bar.
"Reseilık äskeri qyzmetkerler men soltüstıkkoreialyq baqylauşylar būl sarbazdardyŋ ömırın saqtap qaluǧa niettı emes. Tıptı soltüstıkkoreialyqtardyŋ tūtqynǧa tüspeuı üşın olardy öz adamdary atyp öltırgen jaǧdailar bar", – dep atap öttı Zelenskii.
Būǧan deiın, 26 jeltoqsanda, ukrainalyq BAQ pen Telegram arnalarda Kursk oblysynda tūtqynǧa alynǧan alǧaşqy soltüstıkkoreialyq sarbazdyŋ suretı jariialanǧan bolatyn. Al 27 jeltoqsanda Oŋtüstık Koreianyŋ Yonhap aqparat agenttıgı Oŋtüstık Koreia barlauynyŋ soltüstıkkoreialyq sarbazdyŋ ukrainalyq tūtqynǧa tüskenın rastaǧanyn habarlady.
Oŋtüstık Koreia şeneunıkterıne sılteme jasaǧan jurnalisterdıŋ habarlauynşa, qazırgı uaqytta Reseige şamamen 11 000 KHDR äskeri qyzmetkerler jıberılgen.
"Soltüstık Koreiadan Reseige äskeriler men äskeri jabdyqtardy odan ärı jıberuge daiyndyq belgılerı baiqalyp jatyr", – dep mälımdedı.
Ūqsas jaŋalyqtar
