Ýkraına prezıdenti Vladımır Zelenskıı 27 jeltoqsan kúni keshke jasaǵan vıdeoúndeýinde Reseıdiń Ýkraınaǵa qarsy soǵysynda birneshe soltústikkoreıalyq sarbazdy tutqyndaǵandaryn málimdedi, dep habarlaıdy "Adyrna" ulttyq portaly DW-ge silteme jasap.
"Búgin Soltústik Koreıanyń birneshe sarbazy týraly habarlamalar boldy. Bizdiń áskerı qyzmetkerlerimiz olardy tutqyndady. Biraq olar aýyr jaralanǵandyqtan, ómirlerin saqtap qalý múmkin bolmady", – dedi Zelenskıı.
Prezıdenttiń aıtýynsha, Kýrsk oblysynda Reseı tarapynan qoldanylyp jatqan soltústikkoreıalyq sarbazdardyń arasynda úlken shyǵyn bar.
"Reseılik áskerı qyzmetkerler men soltústikkoreıalyq baqylaýshylar bul sarbazdardyń ómirin saqtap qalýǵa nıetti emes. Tipti soltústikkoreıalyqtardyń tutqynǵa túspeýi úshin olardy óz adamdary atyp óltirgen jaǵdaılar bar", – dep atap ótti Zelenskıı.
Buǵan deıin, 26 jeltoqsanda, ýkraınalyq BAQ pen Telegram arnalarda Kýrsk oblysynda tutqynǵa alynǵan alǵashqy soltústikkoreıalyq sarbazdyń sýreti jarııalanǵan bolatyn. Al 27 jeltoqsanda Ońtústik Koreıanyń Yonhap aqparat agenttigi Ońtústik Koreıa barlaýynyń soltústikkoreıalyq sarbazdyń ýkraınalyq tutqynǵa túskenin rastaǵanyn habarlady.
Ońtústik Koreıa sheneýnikterine silteme jasaǵan jýrnalısterdiń habarlaýynsha, qazirgi ýaqytta Reseıge shamamen 11 000 KHDR áskerı qyzmetkerler jiberilgen.
"Soltústik Koreıadan Reseıge áskerıler men áskerı jabdyqtardy odan ári jiberýge daıyndyq belgileri baıqalyp jatyr", – dep málimdedi.
