2024 jyldyń 28 jeltoqsanynda Sheshenstan Respýblıkasynda Qazaqstanda apatqa ushyraǵan ushaqqa baılanysty qaraly kún jarııalandy. Bul týraly Sheshenstan basshysy Ramzan Qadyrovtyń jarlyǵynda aıtyldy, dep habarlaıdy "Adyrna" ulttyq portaly RIA Novostı-ge siltep.
«2024 jylǵy 25 jeltoqsanda Qazaqstan Respýblıkasynyń Aqtaý qalasy mańynda Baký – Groznyı baǵytynda ushqan Embraer 190 áýe kemesiniń apatqa ushyraýyna baılanysty qaza tapqandarǵa qaıǵyryp, olardyń jaqyndary men týystaryna kóńil aıta otyryp, 2024 jylǵy 28 jeltoqsandy Sheshenstan Respýblıkasynda qaraly kún dep jarııalaımyn», – delingen jarlyqta.
Azerbaijan Airlines áýe kompanııasyna tıesili Baký – Groznyı baǵytyndaǵy ushaq 25 jeltoqsanda Aqtaý qalasy mańynda apatqa ushyraǵan bolatyn. Apat bolǵan ushaq bortynda bolǵan 67 adamnyń 38-i qaıtys boldy. Ushaqtyń ekıpajynan 3 adam aman qaldy.
Reseı prezıdenti Pýtın Ázerbaıjan prezıdenti Álıevten keshirim suraǵaǵanyn jazǵan edik.
