Bügın BAQ-ta belgılı qylmystyq toptyŋ jetekşısı Erkın Izbasardyŋ qaitys bolǧany turaly aqparat paida boldy, dep habarlaidy “Adyrna” ūlttyq portaly.
Ol «Tört aǧaiyndy» qylmystyq top jetekşılerınıŋ bırı retınde tanymal.
Erkın Izbasardyŋ qazasy turaly aqparatty zamandastary rastady. Ol bügın taŋda köz jūmǧan.
“Ol kısı köptegen auyr operasiia jasatty. Ūzaq jyldar boiy auyrdy. Erkın Izbasar qazaq sportyn damytuda, onyŋ ışınde jas balalardy sportqa bauluda, tärbieleude köp üles qosty. Äkesı Jūmaş aǧai bapker boldy, özı de paluan. Bırtalai jıgıtke kömektestı. Aqtöbe oblysynda kürestıŋ damuyna zor üles qosqan adam desem bolady. Tokio Olimpiadasynyŋ qola jüldegerı Nūrislam Sanaevty alyp kelıp, Aqtöbe oblysyna ǧana emes, qazaq elıne ülken jeŋıs syilady. Özı mügedek bola tūra qaiyrymdylyq aksiiasyna öte köp qatysty. Joq-jıtıkke kömektestı. Eldıŋ azamaty, eldıŋ batyry dep aitatyndai azamat", – dedı oblystyq mäslihat deputaty Marat Qoilybaev.
Jelıde qoştasu räsımıne şaqyru bar suret de tarap jatyr.
Aita keteiık, 2021 jyly ol densaulyǧyna bailanysty koloniiadan bosatyldy. 2018 jyly ol jäne ūiymdasqan qylmystyq toptyŋ qalǧan müşelerı ūzaq merzımge bas bostandyǧynan aiyryldy. Top jetekşısınıŋ özı Qylmystyq kodekstıŋ 10 baby boiynşa aiyptalǧan. Qazaqstan Respublikasynyŋ Kodeksı, onyŋ ışınde «qylmystyq qoǧamdastyq ūiymdastyru» jäne «arnaiy ırı kölemde mūnai ūrlau.» Izbasar būǧan deiın omyrtqa jaraqatyn alǧan, soŋǧy jyldary mügedekter arbasyna taŋylǧan.
